Një qytet i vogël i bukur, i qetë në malin Sredna Gora, Koprivshtica mirëpret turistët me rrugicat e saj prej kalldrëmi dhe shtëpitë e Rilindjes, “të pikturuara” me ngjyra të ndezura, që “vështrojnë” pas mureve të larta prej guri dhe “pëshpëritin” historitë e ish-pronarëve të tyre. Ky është një nga të paktat qytete bullgare të ruajtura në pamjen e tyre autentike para Çlirimit /1878/. Arsyeja është se, ndryshe nga shumica e vendbanimeve në vendin tonë, Koprivshtica, qyteti i rebelëve bullgarë, nuk u dogj gjatë Kryengritjes së Prillit /1876/. Kur turqit sulmuan qytetin dhe kërcënuan se do ta djegin fisnikët e Koprivshticës mblodhën para dhe blenë jetën e banorëve.
Sot ne jemi krenarë për këtë xhevahir arkitekturor bullgar, të mbarsur me histori dhe legjenda. Koprivshtica i kthen bashkëkohësit tanë në epokën e lavdishme të luftërave nacional-revolucionare për Çlirimin nga zgjedha osmane. Qyteti është vendlindja e një galaktike të tërë prej revolucionarësh, figurash publike dhe intelektualësh bullgarë, ndërsa shtëpitë e tyre janë restauruar dhe kthyer në muze, të cilët çdo vit mirëpresin dhjetëra mijëra bullgarë që vijnë për të nderuar veprën e tyre.
Ndalesa e parë e çdo turisti kureshtar është tek Qendra e Informacionit Turistik dhe e ashtuquajtura “Kupçijnica”, që ndodhet afër saj. Këtu mund të blini një biletë për muzetë kryesorë në qytet dhe të zhyteni në të kaluarën.
Më shumë hollësi për historinë e Koprivshticës mund të lexoni në artikullin tonë “Koprivshtica – qyteti-muze, në të cilin historia dhe heronjtë e saj ende janë të gjallë” nga koleksioni i Radio Bullgarisë.
Përpiloi: Veneta Nikollova
Përgatiti në shqip: Vesella Mançeva
Sot fillon Kreshma e Madhe, më e gjata në kalendarin e Kishës Ortodokse. Javët e para dhe të fundit janë një agjërim i rreptë dhe përveç ushqimeve shtazore dhe qumështore, të cilat janë të përjashtuara gjatë gjithë periudhës së agjërimit, nuk..
Më 13 mars 1899 lindi në Cyrih të Zvicrës kompozitori, muzikanti, dirigjenti dhe mësuesi i madh bullgar Panço Vlladigerov. Ai luante piano dhe kompozonte që në moshë të re. Është autor i veprave të shumta në zhanre të ndryshme - opera, balet,..
Gjithmonë të dielën, tetë javë para Pashkëve, të krishterët ortodoksë festojnë të Dielën e të Lidhurit të Mishit (Mesni Zagovezni). Gjatë liturgjisë, Kisha kujton figurën e Ditës së Gjykimit përmes teksteve në Shkrimet e Shenjta. Aty preken temat e..