Programi i ditës
Radioja Kombëtare Bullgare © 2022 Të gjitha të drejtat janë të rezervuara

Fatme Shaban korr suksese në tepihun e mundjes

Foto: BWF

Fatme Shaban është sportistja më e re mes femrave në Skuadrën Kombëtare të Mundjes. Në biografinë e saj sportive ajo ka regjistruar fitore në kampionate të shumta, kurse një nga triumfet e saj të fundit qe në fund të muajit mars, në Turneun Ndërkombëtar “Petko Sirakov dhe Ivan Iliev” për mundje të lirë klasike për vajza deri në moshën 23 vjeçe.

Vajza 17 vjeçe fillon të merret me këtë sport fuqie në fshatin Samuillovo, rrethi i qytetit Razgrad, akoma në moshën 11 vjeçe. Ajo vendos që të vazhdojë arsimin e vet në shkollën sportive në qytetin Razgrad, ku njihet me trajnerin e saj të tanishëm Deniz Hamid.

“Fatme ka një dhunti, një talent të madh, ajo pëlqen të mësojë, të lexojë, është një nxënëse e shkëlqyer. Ajo është shumë e disiplinuar. Kur nuk përgatitet për gara lexon libra, zhvillohet”, kështu e përshkruan mentori i saj. Mundësja e re admiron sukseset e sportisteve të shquara bullgare Tajbe Jusein , Miglena Selishka dhe Evelina Nikollova, e cila kohët e fundit fitoi kuotë për Lojërat Olimpike.

Pavarësisht nga pandemia, Skuadra Kombëtare e Femrave në mundje dhe vet Fatme Shaban kanë se me çfarë të krenohen:

“Pesë herë isha kampione kombëtare e Bullgarisë, dy herë kam qenë nen kampione kombëtare, përpara ca kohe fitova titullin e kampiones në Turneun Ndërkombëtar të Mundjes “Petko Sirakov”, kam marrë pjesë në dy kampionate evropiane dhe një kampionat botëror. Kam medalje nga turne të zhvilluara në Bullgari, Rumani dhe Spanjë” - tregon për fitoret e veta deri këtu, sportistja e re. Trajneri i skuadrës kombëtare të grave Petër Kasabov  i beson Fatme Shabanit dhe e përfshin në grupin e zgjeruar të femrave, gjatë kohës së kampit të tyre të fundit stërvitës me një vështrim drejt Lojërave Olimpike në Tokio.

Përveç sportit, turneve dhe stërvitjeve, Fatme ka dhe një hobi të dashur - të pikturojë. “Derisa pikturoj unë shpërqendrohem  dhe kështu ndihem e çlodhur” thotë vajza.

Sportistja e talentuar ka një mesazh  ndaj atyre, të cilët mendojnë të  punojnë për sukses: ”Vetes dhe atyre iu uroj të ecin me vetëdije në rrugën të cilën e kanë zgjedhur. Të mos heqin dorë, kur është e vështirë, përkundrazi – të vazhdojnë pavarësisht nga kjo. Rezultatet dhe sukseset do të vijnë, kur duhet”.

Kurse shpresa të ardhshme në këtë sport ka. Sipas fjalëve të trajnerit Deniz Hamid, në “qytetin Razgrad dhe në Lludogorie  mundja vazhdon të jetë një nga sportet tradicionale”.

Përgatiti në shqip: Nataniela Vasileva

Foto: BWF, arkiv personal

Më shumë nga rubrika

Boksierja Sevda Asenova (majtas)

Boksierja Sevda Asenova fitoi medalje të bronztë në Kampionatin Botëror

Boksierja bullgare Sevda Asenova fitoi një medalje bronzi në Kampionatin Botëror të Boksit për femra në Stamboll. Sportistja jonë kombëtare 37-vjeçare pësoi një lëndim në brinjë në mesin e raundit të parë të ndeshjes gjysmëfinale në kategorinë 48..

botuar më 22-05-18 4.22.MD
Dimitër Kuzmanov

Dimitër Kuzmanov një hap larg skemës kryesore të turneut Roland Garros

Një fitore e ndan tenistin bullgar Dimitër Kuzmanov nga hyrja në skemën kryesore të Kampionatit të Hapur të Francës Roland Garros. Sot ai fitoi ndeshjen e tij të dytë kualifikuese, duke mposhtur Flavio Coboli të Italisë me rezultatin 6:3, 3:6,..

botuar më 22-05-18 3.18.MD

Bullgarja Sillvija Azdreeva u ngjit në majën Everest

Bullgarja Sillvija Azdreeva nga qyteti Petriç shkeli në majën më të lartë të planetit Everest në një ekspeditë të udhëhequr nga nepalezi Nirmall Purxha, i cili u bë i njohur botërisht për rekordin e tij në ngjitjen më të shpejtë të 14 majave..

botuar më 22-05-16 8.16.MD