Në vitin akademik 2020/2021, për diploma baçelor dhe master në shkollat e arsimit të lartë në Bullgari po studiojnë 211.8 mijë njerëz. 12.3 për qind e tyre kanë zgjedhur shkolla private. Sipas të dhënave të Institutit Kombëtar të Statistikave, 92.1 për qind e studentëve në vendin tonë janë bullgarë.

16.7 mijë të huaj e zgjodhën Bullgarinë për të marrë arsimin e lartë. Kjo është 2.4 për qind më shumë sesa në vitin e kaluar shkollor dhe 29.1 për qind më shumë se në vitin akademik 2016/2017.

Numri më i madh i studentëve të huaj është nga Greqia - 24.5 për qind, pasuar nga ata nga Britania e Madhe - 16.1 për qind, Gjermania - 9.2 për qind, Ukraina - 7 për qind dhe Maqedonia e Veriut - 6.1 për qind. Specialitetet më të preferuara për studentët e huaj janë në fushën e kujdesit shëndetësor. 62.1 për qind e tyre preferuan mjekësinë.