Radioja Kombëtare Bullgare © 2021 Të gjitha të drejtat janë të rezervuara

Jova Jordanova: Kur njeriu i zhvillon idetë e veta, ai nuk ndihet i lodhur

Foto: arkiv personal

Jova Jordanova është ndër të paktët që kanë përjetuar lumturinë e zbulimit të diçkaje me të vërtetë të re, duke bërë ndryshime në rregullat e vendosura dhe duke i lëvizur përpara njohuritë dhe përvojën njerëzore. Kjo është metodologjia e saj në studimin fillestar të violinës - inovacioni i parë i madh në një sistem të përshkruar gati pesë shekuj më parë. Zbulimi i solli Jovës njohje në të gjithë botën, ftesa të panumërta në forume dhe seminare pedagogjike, si dhe lumturi të madhe për të parë rezultatet e punës së saj në suksesin e një numri violinistësh bashkëkohorë. Ja se çfarë na tregoi zonja Jordanova para mikrofonit të Radio Bullgarisë:

“Mbarova me sukses Akademinë Muzikore “Panço Vlladigerov” tek profesoresha Elena Geneva, së cilës i jam mirënjohëse pafundësisht. Më vona specializova në po këtë akademi dhe në Konservatorin e Kievit në klasën e violinistes së njohur Olga Parhomenko, nxënëse e muzikantit të madh David Ojstrah.

Katër vjet isha pedagoge në Konservatorin e Tunizisë Université de Tunis Institut Supérieur de Musique de Tunis. Atje gjithashtu mbajta shumë koncerte si soliste e orkestrave të dhomës dhe e orkestrave simfonike.

Pas interpretimit tim të një Koncerti për Violinë të Çajkovskit të drejtuar nga francezi Jean-Paul Nicole, mora një ofertë nga kompozitori i famshëm Salah El Mahdi për të bashkëpunuar në krijimin e Rapsodit të parë Arab për Violinë dhe Orkestër Simfonike.

Kthimi im në Bullgari ka të bëjë me punën mbi disa aspekte shkencore metodologjike në sistemin tim, i cili dallohej në shumë aspekte nga rregullat e njohura. Më e rëndësishmja - ndërsa po e trajnoja djalin tim, zbulova se si të kapërceja refleksin kapës, të përmendur që nga viti 1740 si të pakapërcyeshëm. 

Siç e nënvizojnë specialistët, gjatë viteve të kaluara janë bërë prova për zgjidhjen e këtij problemi, por Jova Jordanova është pedagogu i parë i cili ka përpunuar një sistem të tërësishëm, i cili e eliminon problemin që në vitet e para të studimit.

Në vitin 1986 u publikua “Një abetare e vogël për një violinist të vogël” – sistemi pedagogjik i Jova Jordanovës. Më vonë në Moskë ishte publikuar një variant supelementar - “Abetarja për violinistët e vegjël” – fletorja I dhe II, në rusisht dhe në anglisht. Tashmë 30 vjet ky manual unikal përhapet nëpër botë. Abetarja është përkthyer në akoma pesë gjuhë.

Me këmbëngulje të pedagogëve nga Rusia, Shtetet e Bashkuara dhe Evropa, Jova po vazhdon të plotësojë dhe të zgjerojë sistemin e saj.

Më shumë se tri dekada Jova jeton në Moskë. Është e lumtur se në Shkollën Qendrore Muzikore dhe në Konservatorin e Moskës ka qenë mësuese e një sërë muzikantësh të suksesshëm. Ndër nxënësit e saj ka pedagogë në universitetet në Moskë, në mbarë Evropën, në Azi dhe Amerikë. Po vazhdon të marrë ftesa për seminare dha klasa mjeshtri në mbarë botën, ku interpretojnë dhe nxënës të saj. Vetëm gjatë vitit të fundit ajo ka zhvilluar mësime në distancë të klasave nga qytete të ndryshme të Suedisë, Polonisë etj., ka marrë pjesë në disa konferenca. 

“Kur një person e di se si t’i zhvillojë idetë e veta, ai nuk ndihet i lodhur - është i bindur pedagogja e famshme. - Faleminderit për gëzimin dhe përkrahjen e kolegëve të mi në të gjithë botën. Jam mirënjohëse se arrita t’i realizoja qëllimet e vëna.”

Përgatiti në shqip: Vesella Mançeva

Foto: arkiv personal

Më shumë nga rubrika

Viktoria Georgieva

Viktoria Georgieva mori pjesë në hapjen e "Eurovision 2021" në Roterdam

Konkursi i Këngës Eurovision 2021 u hap zyrtarisht me një ceremoni zyrtare në Roterdam. 39 pjesëmarrësit në garë u përshëndetën në një qilim me ngjyrë bruzi ose përmes përfshirjeve në internet. Përfaqësuesja bullgare në konkurs Viktoria tha se..

botuar më 21-05-17 10.55.PD

"Në pëshpëritje e humbas mendjen time ..."

Dimo nga grupi P. I. F. është një njeri që nuk mund të harrohet. Edhe pse jetoi dhe punoi në një mënyrë shumë modeste, pa u treguar dhe gjithnjë bashkë me kolegët e tij, ai la kaq shumë pas - njerëz që e duan, këngë që kanë prekur disa breza, një..

botuar më 21-05-17 10.54.PD

Ljubomir Gospodinov: Në Bullgari niveli është shumë i lartë, me kënaqësi do të luaj në atdheun tim

“E dua Bullgarinë, më mungon natyra jonë e bukur, më mungon edhe mentaliteti bullgar” – rrëfen Ljubomir Gospodinov, jeta profesionale e të cilit është e lidhur me Vjenë tashmë tri dekada me radhë. Klarinetist, saksofonist, kompozitor, lider i..

botuar më 21-05-16 9.15.PD