Presidenti Rumen Radev vlerësoi para gazetarëve vendosmërinë e qeverisë së SHBA -së për të mbështetur shoqërinë bullgare në kërkimin e saj për më shumë transparencë dhe drejtësi. "Vetë fakti se sanksione të tilla u imponohen qytetarëve dhe kompanive bullgare është një diagnozë e qartë e regjimit që rriti këtë korrupsion, por ky është vetëm hapi i parë," komentoi Radev.

Ai tha se po komunikon me qeverinë e përkohshme në lidhje me masat e marra nga autoritetet amerikane në bazë të të ashtuquajturit ligj “Magnitski” dhe paralajmëroi se ato do të ndikonin të gjithë që kanë marrëdhënie biznesi me të sanksionuarit nga SHBA-ja. Radev shprehu keqardhje që zbulimet rreth krimeve të mëdha financiare vijnë nga përtej oqeanit, dhe jo nga Prokuroria bullgare.