Programi i ditës
Radioja Kombëtare Bullgare © 2022 Të gjitha të drejtat janë të rezervuara

"Gratë për bletët" – një projekt ekologjik ndërkombëtar përfshin dhe Bullgarinë

Foto: unesco.org

Bullgaria është një nga 5 shtetet në botë, të cilat do të marrin pjesë në një projekt të UNESKO-s për  trajnimin e zonjave të angazhuara në bletari. Programi “Gratë për bletët” nis më 21 qershor në Francë, në territorin e NJË rezervati biologjik në rajonin Bretan, ku është Observatori i Apiologjisë OFA. Qëllimi i iniciativës është jo vetëm  për të "ndezur" zonjat për të filluar të merren me bletarinë, por edhe për të mësuar më tepër në lidhje me teorinë dhe praktikën në fusha të ndryshme të tregtisë - që nga kjo sesi të kujdesen për bletët deri tek aktivitetet profesionale me bletoret. Ideja është për të mësuar gratë të jenë menaxhere të një ndërmarrjeje të qëndrueshme dhe të rëndësishme për mjedisin. Përveç kësaj, programi parashikon që deri në vitin 2025 të punohen 2500 koshere, ku të  strehohen më shumë se 125 milion bletë në 25 zona të mbrojtura, të ruajtura nën egjidën e UNESKO-s.

“Gratë për bletët” ka dhe një detyrë të rëndësishme sociale - të mund të zgjerohen mundësitë e tyre për një përgatitje profesionale dhe nëpërmjet kësaj rruge të mund t’i sigurojnë vetes një punë stabile dhe të ardhura të mira. Pas përfundimit të kursit pjesëmarrëset do të bëhen anëtare të Rrjetit Ndërkombëtar të Femrave Bletare.

“Bletaria mund të sigurojë të ardhura për banorët e zonave, ku bujqësia është e zhvilluar dobët dhe shpresojmë që nga pala bullgare të paraqiten kandidatura të përshtatshme, të cilat të marrin pjesë në këtë projekt”- thotë inxhinieri Mihaill Mihajllov, Kryetari i Shoqatës të Bletarëve të Bashkuar në Bullgari:

Михаил Михайлов

“Më interesantja është se Bullgaria është e zgjedhur dhe kjo është një njohje botërore për bletarinë tonë. Për të gjithë periudhën e trajnimit, i cili është kryesisht në Francë, do të ketë përfaqësues tanë, dhe kursistet do të vijnë edhe në Bullgari. Kemi dërguar letra deri tek Bashkimi i Bletarëve, Shoqata e Bashkuar e Bletarëve dhe organizata të tjera të degëve, që të paraqiten bletarët përkatës, të cilët t’u përgjigjen kushteve dhe denjësisht të prezantojnë Bullgarinë.” 

Gjatë dhjetëvjeçarëve të fundit, për shkak të përdorimit në masë të preparateve kimike në bujqësi, bletët në të gjithë botën po pakësohen së tepërmi. Bletaria e qëndrueshme dhe e qëllimshme, për të cilën edhe ky projekt do të kontribuojë, mund të jetë mënyrë për shpëtimin e tyre. Kurse nga kjo varet rendimenti i shumë kulturave të tjera agrare dhe si tërësi - shpëtimi i njerëzimit.

Përpiloi: Gergana Mançeva /në bazë të intervistës së Biljana Sllavçevës, BNR-Bllagoevgrad/

Përgatiti në shqip: Nataniela Vasileva


Më shumë nga rubrika

Prof. Luc Van Gool

INSAIT tërhoqi një shkencëtar të nivelit botëror në Bullgari

Prof. Luc Van Gool, një studiues me famë botërore dhe një nga shkencëtarët më të shquar në fushën e vetë-mësimit makinerik dhe vizionit kompjuterik, i bashkohet ekipit të INSAIT - Instituti për Shkenca Kompjuterike, Inteligjencë Artificiale dhe..

botuar më 22-07-06 2.19.MD
Foto: Ambasada e Republikës së Shqipërisë në Bullgari

Vera shqiptare – një urë lidhëse mes dy popujve tanë, pse jo?

Ambasada e Republikës së Shqipërisë në Bullgari organizoi në Kopshtin Botanik të Universitetit në Sofje aktivitetin e parë kushtuar degustimit të verërave shqiptare në Bullgari - një mundësi e shkëlqyer për të bashkuar dy popujt tanë. Në këtë..

botuar më 22-07-06 11.18.PD

Radhët e gjata kilometrike në Urën e Danubit pranë Vidinit po vazhdojnë të torturojnë shoferët ndërkombëtarë

Në mesin e verës, sërish shikojmë situatën në rrjetin rrugor republikan, por jo në resorët përreth kryeqytetit detar Varna, por në zonën e qytetit të Vidinit. Kryeqyteti i dikurshëm i Mbretërisë së Vidinit në periudhën e viteve 1369-1396, sot..

botuar më 22-07-05 7.15.PD