Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

43 vendbanime në Bullgari shënojnë Ditën Ndërkombëtare të Jogës

Foto: EPA/BGNES

Për vit të shtatë të radhës bota shënon Ditën Ndërkombëtare të Jogës. Data zyrtare është 21 qershor, por ngjarjet të cilat i kushtohen festës zakonisht fillojnë ditë të tëra përpara kësaj. Ashtu si dhe gjatë vitit 2020, ajo do të shënohet në një kohë kur pandemia nga Covid-19 vazhdon të ndryshojë mënyrën e jetesës së njerëzve në të gjithë botën, lexojmë në sajtin e OKB-së.  Duke theksuar dëmtimin mbi shëndetin fizik dhe mendor, në festimin e sivjetshëm të Ditës Ndërkombëtare të Jogës, organizata botërore përqendrohet në "Jogë për mirëqenie" - si praktikimi i jogës mund të përmirësojë shëndetin e përgjithshëm të secilit prej nesh. 

Në Bullgari dhe në vende të ndryshme nëpër botë akoma përpara ditëve u zhvilluan praktika  masive të jogës  jashtë dhe në internet. Ngjarja qendrore tek ne është ditën e diel, 20 qershor midis orëve 16:30 dhe 20:30. Vendi të cilin e kanë zgjedhur organizatorët është hapësira përpara Pallatit Kombëtar të Kulturës. Janë parashikuar prezantime, praktika në hata jogë, pranajama, relaksim e të tjera.

Dita Ndërkombëtare e Jogës shënohet dhe në qytete të tjera të vendit akoma që nga viti 2015, kur në mënyrë spontane bashkohet Instituti Kulturor i Plovdivit dhe fillon të organizojë një festim të sinkronizuar në qytet. Ky shembull është i ndjekur më pas me një entuziazëm modest nga shkollat dhe praktikuesit e jogës në një numër qytetesh të tjera - Svilengrad, Burgas, Varna, Ruse, Veliko Tërnovo, Gabrovo dhe Pernik. Gjatë viteve numri i qyteteve pjesëmarrëse po shtohet, po përfshihen dhe disa fshatra. Sivjet festa do të shënohet në 43 vende të populluara, gjatë respektimit të të gjitha masave për një mbrojtje kundra virusit. Festimet e Ditës Ndërkombëtare të Jogës në Bullgari realizohen nën patronazhin e Ambasadorit të Republikës së Indisë Shkëlqesisë së Tij Sanxhaj Rana. Ngjarja organizohet nga Ambasada e Republikës së Indisë në bashkëpunim dhe me pjesëmarrjen e drejtpërdrejtë të një sërë organizatave qeveritare dhe joqeveritare.

Përgatiti në shqip: Nataniela Vasileva

Foto: Facebook / @idayofyogabulgaria, EPA/BGNES



Последвайте ни и в Google News Showcase, за да научите най-важното от деня!

Më shumë nga rubrika

 Foto/ Shkolla bullgare e së dielës

Tërmete, thatësira, turbina ere... eko-sfidat bashkojnë nxënës nga Bullgaria, Italia dhe Danimarka

Temat lidhur me burimet e rinovueshme dhe fatkeqësitë natyrore mblodhën së bashku nxënës nga shkolla bullgare e së dielës "Asen dhe Ilija Pejkovi" në Romë, Gjimnazi i Parë i Gjuhës Angleze në Sofje dhe shkolla e mesme Greve pranë Kopenhagës. Projekti..

botuar më 25-02-07 7.30.PD
Foto: Qendra e Shpëtimit të Breshkave Tokësore

Dimri i breshkave - ekipi i Qendrës së Shpëtimit pranë fshatit Banja kujdeset për mbi 200 banorë të saj

Ndërsa dimri e ngrin natyrën jashtë, të fshehura në strehëzat e tyre, të mbrojtura nga i ftohti dhe kërcënimet jashtë, breshkat flenë gjumin e tyre dimëror. Por çfarë ndodh me to gjatë kësaj periudhe? Ku ndihen më të sigurta dhe kur duhet të presim që..

botuar më 25-02-06 7.20.PD
Foto: “Shpirti Bullgar i Tokës së Shenjtë” (arkiv)

Vesella Rajçinova: Bullgarët gëzojnë një reputacion shumë të mirë në Izrael

Nuk ka statistika të sakta për numrin e bullgarëve në Izrael. Vlerësohet se hebrenjtë bullgarë të shpërngulur nga vendi ynë janë rreth 50 000. Pavarësisht nga numri i tyre, si në vende të tjera të botës, disa nga bashkatdhetarët tanë janë jashtëzakonisht të..

botuar më 25-02-05 7.15.PD