Radioja Kombëtare Bullgare © 2021 Të gjitha të drejtat janë të rezervuara

Hristina Karageorgieva: Klasa e mesme në Bullgari kërkon kthimin e shtetit mbrapsht

Hristina Karageorgieva
Foto: arkiv personal

Zgjedhjet parlamentare përpara afatit më 11 korrik duhet të çojnë deri në formimin e një kabineti të përgjegjshëm dhe transparent me  një kërkesë të qartë për gjërat e rëndësishme për Bullgarinë. Një prej tyre është tërheqja e shtetit nga qarqet e korruptuara. Në këtë është kategorike Hristina Karageorgieva, e cila jeton në Holandë që nga viti 2001. Ajo është ish kolegia jonë nga redaksia angleze e Radio Bullgarisë dhe përtej kufirit po vazhdon të punojë në fushën e përkthimit. Ajo tregon se asnjëherë nuk e ka shkëputur lidhjen me atdheun dhe po kështu nga afër i ndjek ngjarjet në Bullgari. Ka votuar dhe në zgjedhjet e rregullta më 4 prill, në këto të ardhshmet do të japë përsëri votën e saj. Sipas saj problemi bazë për vendin tonë është mungesa e sundimit të ligjit, e cila çon në mbytjen e lirive civile, politike dhe ekonomike në vend dhe e kthen atë në më të varfrin në Bashkimin Evropian. Prandaj, mendon ajo, veprimet e kabinetit teknik, përfshi dhe ndërrimi në masë të njerëzve në pozita kyçe, janë në rregull, mjafton që ato me të vërtetë të çojnë në reformat e shumëpritura:

“Aktualisht situata në Bullgari është mjaft e vështirë, por kjo nuk është një gjë e papritur. Ajo, të cilën nuk mundëm ta realizojmë në fillimin e tranzicionit, na ndjek dhe sot e kësaj dite. Mungesa e lustracionit çoi në marrjen e institucioneve shtetërore nga njerëz të afërt me nomenklaturën e pushtetit, duke kompromentuar dhe korruptuar shtetin, duke e kthyer pushtetin politik në ekonomik dhe anasjelltas. Rezultati nga e gjithë kjo është se sot kemi një oktapod shumë të vështirë për tu zbërthyer. Por, në ndryshim nga vitet 90 të shekullit të 20, disponojmë me një klasë të mesme të porsalindur, e cila nuk do që të jetojë kështu, ajo e do shtetin si dhe institucionet e tij mbrapsht. Prandaj dhe përpjekjet e qeverisë teknike filluan që aty”, tregon Hristina Karageorgieva.

Sipas saj, në mëngjesin e 12 korrikut do të zgjohemi jo më pak të hutuar, sesa jemi dhe sot, për arsyen e thjeshtë se, koha midis të dyja votimeve është tepër e shkurtër. Edhe sikur të ketë njëfarë dallimesh në rezultate, kthesa dramatike nuk priten, që aty dhe formimi i një kabineti të ri do të dalë përsëri një detyrë mjaft e ndërlikuar. Sipas bashkatdhetares sonë, varianti më i mirë është që partitë dhe koalicionet, të cilët paraqiten në zgjedhjet me dëshirë për ndryshim dhe dashuri ndaj vendit tonë, të marrin përgjegjësinë dhe të provojnë të formojnë një qeveri në emër të Bullgarisë.

Nëse në zgjedhjet parlamentare gjatë muajit prill bullgarët jashtë shtetit mundeshe të votojnë në 464 seksione zgjedhore, gjatë muajit korrik ata do të kenë mundësi të ushtrojnë votën e tyre në numrin rekord prej 784 seksioneve. A do të çojë kjo në një numër më të madh votash që atje?

“Është pak e vështirë për tu llogaritur derisa njerëzit, të cilët votuan jashtë shtetit në zgjedhjet e mëparshme, nuk do të jenë kthyer ose të kenë ardhur për pushime në Bullgari gjatë kohës së votimit të ardhshëm.

Pikëpyetja tjetër e madhe është deri në çfarë mase do të ketë rrjedhje votash për faktin se energjia e protestës, e cila lindi verën e kaluar, është kthyer në një protestë të vetmuar, të shprehur në zgjedhjen gjatë muajit prill.”

Debate të shumta në shoqëri shkaktoi vendimi i Legjislaturës së 45 të Kuvendit Popullor për një votim krejtësisht me makina në seksione me 300 e më shumë zgjedhës. Hristina Karageorgieva është e bindur se, shkak për shqetësime nuk ka, kurse procesi i numërimit në qendrat e votimit  do të bëhet më transparent.

Përgatiti në shqip: Nataniela Vasileva


Më shumë nga rubrika

Udhëtimi deri në Britaninë e Madhe tashmë do të jetë me pasaportë

Që nga 1 tetori që të hyni në Britaninë e Madhe duhet të dispononi pasaportë. Vendi nuk do të njohë më kartat bullgare të identitetit. Ndryshimi është pjesë e rregullave të reja të imigracionit të vendosura pas Brexit. Një përjashtim deri në vitin..

botuar më 21-09-28 12.14.MD

120 nga 850 studentë dhe kursantë në Shkollën Ushtarake Detare në Varna janë të huaj

Janë mbi 850 studentë dhe kursantë që studiojnë në Shkollën e Lartë Ushtarake Detare "Nikolla Vapcarov", e cila tashmë hapi vitin shkollor në qytetin Varna pranë të Detit të Zi. 120 janë studentët e huaj. Midis tyre mbizotërojnë ata nga Greqia, tha..

botuar më 21-09-28 9.05.PD
Universiteti Teknik i Sofjes

Universiteti Teknik i Sofjes po bëhet pjesë e një universiteti të ri evropian

8 universitete nga vende të BE -së, përfshirë Universitetin Teknik në Sofje, do të krijojnë një Universitet të përbashkët Evropian të Teknologjive. Marrëveshja u nënshkrua nga rektorët në një takim në Limasol të Qipros. Struktura e ardhshme do..

botuar më 21-09-27 9.34.PD