Nuk ka arsye që Bullgaria, Rumania dhe Kroacia të mbeten në listën e pritjes për pranim në zonën Shengen për një kohë kaq të gjatë. Këtë e bëri të ditur Kryeministri slloven Janez Janša para Parlamentit Evropian, ndërsa prezantoi përparësitë e Presidencës Sllovene të Këshillit të BE-së.

Eurodeputetët do t'i bëjnë thirrje përsëri Këshillit të BE për të pranuar menjëherë Bullgarinë dhe Rumaninë në Shengen, tha e dërguara speciale e BNR-së Angelina Piskova. Debatet në sallën plenare në Strasburg janë planifikuar për në 6 korrik dhe rezoluta do të votohet më 7 korrik. Komisioni Evropian vazhdimisht ka bërë thirrje për këtë. Që nga mesi i qershorit, Bullgaria dhe Rumania kanë marrë vetëm akses të pjesshëm në Sistemin e Informacionit Shengen.