Programi i ditës

Radioja Kombëtare Bullgare © 2021 Të gjitha të drejtat janë të rezervuara

Që nga data 7 shtator do të vendosen një numër masash antiepidemike në Bullgari

Viti shkollor do të fillojë në dhomat e klasës më 15 shtator

Foto: BGNES

Autoritetet shëndetësore kanë prezantuar një numër masash antiepidemike në të gjithë vendin që nga 7 shtatori për një periudhë prej dy muajve. Sipas ministrit të shëndetësisë doktori Stojço Kacarov kufizimet vendosen për shkak të përqindjes së ulët të të vaksinuarve kundra Covid-19 tek ne (rreth 16% nga popullsia). Ai nënvizoi se, në qoftë se situata keqësohet, do të vendosen masa shumë më të rrepta, që të parandalohet mbingarkesa e sistemit shëndetësor.  

Restorantet do të punojnë nga ora 7.00 deri më 22.00. Publiku nëpër teatro, në sallat e koncerteve dhe kinematë do të zënë deri më 50% nga vendet. Garat sportive në të mbyllur do të zhvillohen pa publikë, kurse në të hapur me një pjesëmarrje deri më 30%. Me një kapacitet të tillë do të punojnë dhe palestrat. Festat familjare do të reduktohen deri më 30 veta në të mbyllur, ndalohen klubet e fëmijëve, mbledhjet e ekipeve të punës, festivalet dhe tubimet, sportet kolektive në të mbyllur, rekomandohet puna në distancë aty ku është e mundur - këtë e parashikojnë disa nga masat.

“Nuk ka vend për panik dhe për shpërndarjen e frikës”, komenton doktori Stojço Kacarov. Sipas fjalëve të tij, situata është serioze, por nuk ka dalë jashtë kontrollit. Por, mjaft shqetësues është numri i njerëzve të vdekur nga koronavirusi (54 veta gjatë 24 orëve të fundit). “85% nga të vdekurit janë njerëz në moshë mbi 65 vjeç”, saktësoi ministri dhe u drejtoi apel njerëzve të moshuar që të vaksinohen. Viti shkollor do të fillojë me pranim, por në një moment të caktuar mund të nevojitet “një pushim gripi”, tha akoma doktori Stojço Kacarov.  

Tek ne pothuajse krejtësisht dominon varianti Delta i koronavirusit dhe vetëm 2% nga mostrat e ekzaminuara kanë treguar praninë e variantit britanik, njoftoi profesoresha Iva Hristova, drejtoresh e Qendrës Kombëtare për Sëmundjet Infektive dhe Parazitare. Një person në këtë moment infekton midis 6 dhe 8 veta, sqaroi ajo.

Përgatiti në shqip: Nataniela Vasileva

Më shumë nga rubrika

Foto: Facebook/BulgarianAntarcticInstitute

"Kuzhina Antarktike" – një histori "e shijshme" për jetën e shkencëtarëve polarë

“Askush nuk është më i madh se buka” thotë një proverb e vjetër bullgare, kurse gjatë këtyre ditëve morëm vesh se kjo mençuri zbatohet me forcë të plotë për zotërinjtë e kontinentit të akullt – shkencëtarët e Antarktidës. Në tregun e librave doli..

botuar më 21-10-20 7.15.PD
Ministri Kacarov

Certifikata e gjelbër në Bullgari hyn në fuqi më 21 tetor

Që nga 21 tetori do të hyjmë me certifikatë të gjelbër në restorante, kinema, teatro, salla koncertesh, galeri, palestra, qendra tregtare dhe dyqane mbi 300 metra katrorë, hotele, salla noti dhe sporti, klube. Këtë e bëri të ditur Ministri i..

botuar më 21-10-19 5.24.MD

Bullgarët jashtë vendit dërgojnë gjithnjë e më pak para në atdheun e tyre

Pandemia ka zvogëluar 7 herë paratë që bullgarët jashtë vendit u dërgojnë të afërmve të tyre në Bullgari. Për 7 muajt e parë të vitit 2021, ata kanë transferuar vetëm 98 milionë euro, sipas Bankës Popullore Bullgare. Për krahasim, në vitin 2019..

botuar më 21-10-18 3.02.MD