Programi i ditës
Radioja Kombëtare Bullgare © 2022 Të gjitha të drejtat janë të rezervuara

Nënpresidentja Ilijana Jotova theksoi se në përcaktimin e politikave të BE-së, fjalën vendimtare duhet të kenë qytetarët

Ilijana Jotova
Foto: Facebook/FESBulgarien

Trajtimi i varfërisë në nivel evropian dhe kombëtar duhet të jetë një përparësi kryesore e Bashkimit Evropian, tha nënpresidentja Ilijana Jotova, në konferencën “BE: A do të arrijnë çarjet në fasadë deri në themel të ndërtesës”, organizuar nga Instituti i Ekonomisë dhe i Marrëdhënieve Ndërkombëtare dhe Fondacioni “Friedrich Ebert”. Nënpresidentja përshëndeti vendimin e BE-së për të ndarë 750 miliardë euro për rimëkëmbjen e ekonomive evropiane, por theksoi nevojën që KE të kërkojë nga vendet anëtare të caktojnë një normë të detyrueshme për politikën sociale. Lidhur me Bullgarinë, Ilijana Jotova vuri në dukje se vendi ynë duhet të miratojë Planin e Rimëkëmbjes dhe Qëndrueshmërisë jo si një përthithje fondesh, por si politika të synuara zhvillimi në 5-10 vitet e ardhshme. Nënpresidentja Jotova preku edhe çështjen e krizës së emigrantëve dhe e përshkroi politikën e Evropës si të paaftë për të përballuar valën e re të pritshme. Sipas Jotovës, Komisioni Evropian nuk ka një politikë të vetme të kompletuar të prioriteteve të përcaktuara në fillim të mandatit të tij. Si përfundim, Ilijana Jotova theksoi nevojën për reformën e institucioneve evropiane, ku zyrtarët dominojnë të zgjedhurit nga qytetarët e BE-së. Sipas saj e ardhmja e BE-së varet nga përballimi i burokracisë së Brukselit.


Më shumë nga rubrika

Ursula von der Leyen konfirmoi mbështetjen e KE-së për pranimin e Bullgarisë në Shengen

Presidenti Rumen Radev në një bisedë telefonike me Presidenten e Komisionit Evropian Ursula von der Leyen shprehu pritshmërinë e Bullgarisë që rezultatet e arritura nga vendi ynë të njihen nga të gjithë partnerët evropianë dhe se vendi ynë do t’i..

botuar më 22-11-25 7.34.MD
Rosen Hristov dhe Anies Panier-Ryunache

“Framatom” është gati të marrë pjesë në diversifikimin e karburantit bërthamor për Centralin Atomik Bërthamor “Kozlloduj”

Në një takim në Bruksel, ministri i energjetikës Rosen Hristov dhe kolegia e tij franceze Anies Panier-Ryunache diskutuan mundësitë e bashkëpunimit në fushën e energjisë me theks në energjinë gjeotermale dhe bërthamore. Në lidhje me bashkëpunimin..

botuar më 22-11-25 7.21.MD

Parashikimi i motit për 26 nëntorin

Gjatë natës , vranësirat në pjesën më të madhe të vendit do të zvogëlohen deri në kthjellime. Era do të dobësohet dhe në shumicën e zonave do të shuhet. Të shtunën në mëngjes , më 26 nëntor, moti do të jetë i ftohtë me temperatura..

botuar më 22-11-25 5.45.MD