Më 28 shtator - kur është ditëlindja e akademikut Marin Goleminov, për vit të gjashtë të radhës u dha Çmimi Kombëtar për një kontribut në artin e muzikës, që mban emrin e kompozitorit të madh bullgar. Sipas traditës ceremonia rreth dekorimit në qytetin e tij të lindjes Kjustendill ishte shoqëruar nga një koncert, me të cilin fillon stina e re e Shoqatës Muzikore “Akademik Marin Goleminov”. Sivjet në skenë dolën muzikantët e rinj nga orkestra e pavarur me tela Drop Down Community. Siç mësuam nga organizatorët, ekzekutimet e tyre kanë marrë duartrokitjet dhe admirimin e sinqertë të auditorit në Galerinë e Arteve “Vlladimir Dimitrov-Mjeshtri.”
Sipas zgjedhjes së jurisë së autoritetshme, fituesi i ri i çmimit prestigjioz është maestro Pavell Balev - një dirigjent me një karrierë mbresëlënëse , i cili e ka lidhur emrin e tij me disa nga orkestrat më të mëdha simfonike dhe të operës nëpër botë. Që nga viti 2007 e deri më sot është dirigjenti kryesor i Filarmonisë Baden-Baden, si dhe i akademisë ndërkombëtare “Karëll Flesh” në bashkëpunim me koncert mjeshtrit e Filarmonisë së Berlinit. Që sivjet maestro Balev është dhe drejtor i përgjithshëm muzikor i Teatrit Nordhausen dhe Orkestrës Sondershausen Loo, kurse që nga viti 2022 paralelisht do të fillojë punë si drejtor muzikor i Operës në Limozh.
Pavarësisht nga sukseset e veta të mëdha botërore, Pavell Balev nuk e harron Bullgarinë dhe shumë shpesh bën turne në atdhe. Gjithmonë kur është e mundur, ai përfshin në programet e tij tek ne dhe nëpër botë, krijime të kompozitorëve bullgarë. Çmimin ai e fiton për të gjithë veprimtarinë e tij të plotë, një pjesë nga e cila është rikrijimi i thelluar i “Variacioneve Simfonike mbi temë nga Dobri Hristovi” nga Marin Goleminov me filarmonitë e Plovdivit dhe të Sofjes. Për shkak të angazhimeve profesionale maestro Balev nuk ka marrë pjesë në dekorim, por në një letër drejtuar organizatorëve ai thotë: “Këtë çmim unë e pranoj si një njohje, por më besoni - më tepër si një detyrim. Unë e njoh muzikën e kompozitorit të madh bullgar - klasikut Marin Goleminov akoma si nxënës. Duke grumbulluar përvojë si muzikant dhe dirigjent, fillova të ndiej një domosdoshmëri të fortë të brendshme të prezantoj dhe të ekzekutoj në skenë muzikën e tij. Kontakti me punën e tij më përmbushi me admirim , me krenari dhe vetëbesim se, jam bullgar! Besoj se, muzika e Marin Goleminovit gjithnjë e më tepër do të na bashkojë dhe pasurojë, sepse ajo prej kohe e ka fituar të drejtën e vet të jetë një pjesë e patjetërsueshme dhe e pazëvendësueshme e trashëgimisë kulturore bullgare! ”
“Fakti se, pikërisht një dirigjent është i dalluar sivjet është shumë domethënës dhe për një shkak tjetër - sado i njohur që të jetë Marin Goleminov si kompozitor, ai ka qenë një dirigjent i jashtëzakonshëm dhe pikërisht ai ka themeluar fakultetin e dirigjimit në Akademinë Muzikore në Sofje. Dua dhe të falënderoj që të gjithë nga Shoqata Muzikore, bashkinë dhe personalisht kryetarin e bashkisë së qytetit Kjustendill për organizimin e shkëlqyer dhe qëndrimin e përzemërt”- nënvizoi Lilija Goleminova, mbesë e kompozitorit, organizatore dhe anëtare e jurisë. Krahas me çmimin e madh, juria gjithashtu i dha çmimin “Ansambli i Artë”- Orkestrës së Dhomës “Orfeu” me dirigjent Rajço Hristov, i cili është i lidhur thellë jo vetëm me krijimtarinë e akademikut Goleminov, por dhe me idenë dhe realizimin e çmimeve në emër të tij. Grupi e fiton çmimin për veprimtarinë e vet të plotë, për programet interesante, të cilat ja ofron publikut në të cilat sipas traditës marrin pjesë krijime të klasikut bullgar.
Përgatiti në shqip: Nataniela Vasileva
Pak pas prezantimit të baladës së tij të bukur “Po vrapojmë” , Miro ka një tjetër këngë të re, kësaj radhe me një tingull të lehtë të stilit karakteristik për vitet 80 dhe 90 të shekullit të njëzetë. Për krijimin e "Dashuria si një qiell"..
Në sinkron me pranverën me shi jashtë, Ersin Mustafov na dërgon mesazhin gazmor “Nuk mund të bjerë shi përgjithmonë” me këngën e tij me të njëjtin emër. Meqenëse e njohim deri tani si frontmenin e JEREMY? , po e mirëpresim me interes..
Gjashtë vjet pasi në tregun muzikor doli albumi i fundit i Mary Boys Band “Ditë të lumtura”, grupi thotë “Përshëndetje”, duke u rikthyer me një këngë të re me të njëjtin emër. Gjatë kësaj periudhe, vetë Maria - Maria Mutafçieva - realizoi albumin e..
Nga 11 deri më 14 korrik edicioni i dytë i Jazz and Art Festival në Oreshak, mbledh së bashku interpretues nga Kuba, Argjentina, Kina, Brazili,..
Në skenën e madhe të edicionit të katërt të "Midalidare - Rock in the Wine Valley" nga data 12 deri në 14 korrik në fshatin Mogillovo, përkrah..
Kompozitori Josif Cankov, i cili ka punuar nga fillimi i viteve 1930 deri në vitin 1971, jo rastësisht quhet Patriarku i muzikës bullgare. Ai është..