Një fotografi e një vajze bullgare në veshje kombëtare popullore dhe e flamurit bullgar në plan të parë fitoi çmimin e dytë të konkursit “Fotografia e Evropës 2021” (A snapshot of Europe 2021), organizuar nga Parlamenti Evropian. Autori i saj është 29 vjeçari Milen Millanov nga qyteti Breznik në Bullgarinë Perëndimore, i cili do të marrë një medalje speciale dhe certifikatë për pjesëmarrje nga institucioni evropian. Fituesi sivjet është italiani Florian Gasser, kurse vendi i tretë përsëri i është paracaktuar një imazhi nga Bullgaria, vepër e Valentina Terrewkova. Suksesi i Milenit është një dëshmi se pandemia mund të jetë bazë për pozitivizëm dhe rimendim të vlerave tona. I riu fillon të fotografojë kureshtje natyrore, ngjarje dhe zakone tradicionale pikërisht kur Covid-vala pushton Bullgarinë në fillim të vitit 2020.
“Unë fillova të kaloj rreth e rrotull rajonit në të cilin jetoj - rreth Breznikut dhe të bëj fotografi interesante, ta njoh gjithnjë e më shumë e më shumë. Pas kësaj u paraqitën ngjarje dhe konkurse të shumta online, në të cilat përfshihesha rregullisht. Mora pjesë dhe në këtë konkurs, i cili organizohet në lidhje me Ditën e Evropës - 9 maj, kurse fotografitë duhej të dërgoheshin deri më 31 maj. Dërgova një fotografi e cila është bërë gjatë kohës së tubimit tradicional të Graovos “Vidovden” në Breznik”, tregoi për Radion Kombëtare Bullgare Milen Millanov.
“Vidovden” në Bullgari lidhet me besimin në ndëshkimin e pashmangshëm të mëkatarëve, por tradita e përkujtimit është e ruajtur kryesisht në rajonet perëndimore-Godeçko, Trënsko dhe Breznishko. Shënohet më 15 qershor sipas stilit të ri ose më 28 qershor sipas stilit të vjetër. Festa festohet dhe në fqinjin tonë perëndimor - Serbia, më tepër në pjesën lindore të vendit, përfshi dhe në rrethinat Perëndimore, të populluara me bullgarë etnikë.
“Folklori është gjëja e cila e bën unikal vendin tonë në Evropë dhe në botë”- është kategorik Milen, i cili tanimë ka marrë pjesë dhe në një sfidë tjetër evropiane - Konkursi Ndërkombëtar i Rinisë për një trashëgimi jo materiale kulturore, organizuar nga Qendra Rajonale për ruajtjen e trashëgimisë jo materiale kulturore të UNESKO-s në Evropën Juglindore, me seli në Sofje. Shkaku është 75 vjetori nga krijimi i OKB-së dhe 65 vjetori nga aderimi i Bullgarisë ndaj organizatës.
“Marr pjesë me një përpunim (prej një teksti dhe fotografish) të traditës survakane në një nga vendbanimet në bashkinë Breznik, fshati Sadovik. E kam vënë aksentin mbi survën vendase dhe realizimin e saj, ku kureshtarja është se në mbrëmjen e 13 janarit duke u gdhirë 14 janari, survakarët (kolendarët) dalin në vendet e populluara nga rajoni, ndezin zjarre rituale dhe shkojnë nëpër shtëpitë vendase. Tradita surva /lojëra të maskaradës/ lidhet me kohën e kërxhalinjve (një pjesë nga trazirat feudale në Perandorinë Osmane në fund të shekullit të 18 dhe në fillim të shekullit të 19). Ky rit lind në lidhje me synimin e njerëzve të mund të shpëtojnë nga pushtimi i kërxhalinjve. Vendasit kanë filluar të bëjnë maska rituale, kopanka prej druri, më pas fillojnë të përdoren dhe fytyra të kafshëve. Kureshtare është se survakarët nga rajoni i fshatit nuk janë kukerët /njerëz të maskuar/ e pranuar gjerësisht, të cilët i dëbojnë forcat e këqija. Përkundrazi, ata më tepër i bekojnë njerëzit për prosperitet dhe shëndet, i cili është dhe ndryshimi kryesor” - shton fotografi.
Përpiloi: Vesella Krësteva /në bazë të intervistës së Lili Goleminovës, BNR-Radio Sofja/.
Përgatiti në shqip: Nataniela Vasileva
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë produktet e tyre. Me suvenire të punuar me dorë do të marrin pjesë edhe Qendra Ditore për të Rriturit..
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një ceremoni zyrtare që do të mbahet në tetor. Për çmimin prestigjioz janë nominuar 24 bashkatdhetare..
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Të dhënat e censusit të popullsisë në vendin tonë, të kryer në vitin 2021, tregojnë se në vend jetojnë 654 547 persona, të cilët janë me paaftësi të..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..