Bullgaria pret që dialogu me Maqedoninë e Veriut të çojë në rezultate konkrete. Këtë e tha presidenti Rumen Radev në një bisedë telefonike me Oliver Varhei, në lidhje me iniciativën e Komisionerit Evropian për Zgjerimin. Presidenti shprehu gjithashtu gatishmërinë e vendit tonë për dialog dhe bëri pyetje të qarta, për të cilat pret përgjigje dhe veprime reale nga fqinji ynë jugperëndimor. Sipas Rumen Radev, marrëdhëniet dypalëshe mes Sofjes dhe Shkupit nuk duhet të jenë subjekt i ndikimeve të jashtme. Dialogu duhet të zhvillohet hapur dhe me përkushtim nga të dyja palët, gjë që do të çojë përpara procesin e integrimit evropian të Maqedonisë së Veriut.
Kreu i shtetit theksoi si fokus kryesor i bisedimeve respektimin e të drejtave të qytetarëve të Maqedonisë së Veriut me identitet bullgar, si dhe çrrënjosjen e përhershme të gjuhës së urrejtjes dhe respektimin e historisë dhe trashëgimisë kulturore bullgare në fqinjin tonë jugperëndimor.
Të dielën, më 9 qershor, Bullgaria zgjedh përbërjen e Asamblesë së 50-të Kombëtare. Këto janë zgjedhjet e gjashta të parakohshme parlamentare me radhë brenda dy vitesh e gjysmë , por këtë herë ato përkojnë edhe me zgjedhjen e Parlamentit të ri Evropian..
290 mijë bullgarë që duan të votojnë më 9 qershor nuk kanë vendosur ende se për kë. Ky është 10% e atyre që deklarojnë se do të shkojnë për të votuar, tha për bTV Dobromir Zhivkov nga “Market Links”. Sipas sondazhit të agjencisë, formacionet politike..
Presidenti Rumen Radev e cilësoi si "të paarsyeshme" që qeveria bullgare të tregojë hezitim sa i përket qëndrimit të vendit tonë në OKB për gjenocidin në Srebrenicë. “Qëndrimi i Bullgarisë duhet të jetë shumë i qartë, duke afirmuar vlerat dhe..