Sigurimi i trajtimit adekuat mjekësor për bullgarët që jetojnë jashtë qyteteve më të mëdha në vend ka qenë një sfidë e vërtetë në vitet e fundit. Pavarësisht se njerëzit gjithnjë e më shumë kanë nevojë për kujdes shëndetësor, më në veçanti në rajonet industriale, si për shembull rrethi i qytetit Stara Zagora, ku një pjesë e madhe e popullsisë është e zënë në Termocentralin “Marica-Iztok 2” dhe “Mini Marica-Iztok”, politika jolargpamëse çoi në falimentimin e një prej spitaleve më të mëdha, atij në Radnevo /Bullgaria Jugore/.Pavarësisht nga 3 milionë levat e paguara nga bashkia gjatë 4 vitet e kaluara, spitali ka grumbulluar më shumë se 1 milionë leva detyrime dhe ka falimentuar, godina dhe aparatura janë në një gjendje të mjerë, kurse njerëzit në qytet janë pa kujdes të specializuar mjekësor.
Në fund të vitit sikurse shihet dritë në tunel. Tashmë ka një investues, i cili pavarësisht nga situata e rëndë do që të investojë para dhe përvojë, që të mund ta kthejë drejt jetës këtë spital të vjetër bullgar. Mediat rajonale shpallën se pronari i ri i spitalit në qytetin Radnevo është Ibrjam Aliev, sipërmarrës nga qyteti Sliven. Një lajm edhe më i rëndësishëm është se ai planifikon që ta hapë spitalin gjatë periudhës shkurt-mars 2022 dhe përsëri të fillojë pranimi i pacientëve, fillimisht në repartin e brendshëm dhe të neurologjisë. Thotë se kjo veprimtari shpëtimtare është vonuar shumë. Të gjenden infermiere të reja, specialistë të rinj mjekësorë do të jetë gjë mjaft e vështirë - një pjesë e madhe e mjekëve të cilët kanë ikur tanimë e kanë ndërruar vendbanimin e tyre në kërkimin e një pune të re. Në këtë situatë kaq të nderë Ibrjam Aliev mbështetet më tepër tek përvoja e tij e grumbulluar gjatë viteve në drejtimin e spitaleve më të mëdha, të cilat i pronëson në qytetet Sliven, Plovdiv dhe Jamboll.
“Tashmë e përpunuam qendrën mjekësore dhe kemi tre-katër mjekë, ka pulmonologji, fizioterapi, laboratorin klinik e vumë në veprim - këto janë gjërat e fundit. Baza materialo-teknike e të gjitha e spitaleve bashkiake dhe shtetërore është e vjetërsuar dhe duhet të rinovohet. Erdhi koha që politikanët e tanishëm të mendojnë për hapjen e spitaleve të reja jo për shkak të dëshirës së ndonjërit dhe komisioneve që do të marrin, por për shkak të nevojave të njerëzve. Unë nuk i kam dhënë komision asnjërit dhe po hasem me shumë vështirësi dhe pengesa. Ne, investuesit bullgarë, nuk mund të përballemi me pengesat administrative, të cilat i hasim në vendin tonë, atëherë si të vijnë investitorë të huaj? Ky është problemi. Gjërat duhet të zgjidhen më shpejt tek ne, koha nuk pret.”
Keqkuptimet administrative që Ibrjam Aliev i has në punën e tij që prej vitesh janë të shumta. Ai nuk mund të kuptojë sesi me para nga taksat e njerëzve vite të tëra me radhë ndihmohen spitalet, poliklinikat, ose qendrat mjekësore, kurse në të njëjtën kohë një investitor privat në shëndetësi nuk e merr të njëjtën ndihmë. Është paradoks se ai, si taksapagues, po kështu investon para në ndihmë të spitalit shtetëror, i cili në fakt është një konkurrent i tij. Sipas fjalëve të tij, spitali në qytetin Radnevo është një shembull i fondeve të shpenzuara në mënyrë të paligjshme:
“Për shembull, këtu është paguar deri në fund që të ruhet arka e spitalit, në të cilën ka pasur 68 leva, por, për mbrojtjen e saj për 6 muaj janë harxhuar 2400 leva. Shpresa ime është se qeveria e re do të hapë një konkurs për projekte dhe ne do të mund të aplikojmë, që të mund të rivendosim të paktën pjesërisht spitalin. Sepse bullgari meriton të jetojë më mirë, të marrë një shërbim më të mirë në spitale të reja dhe të meremetuara, të ketë banja më të mira, materiale higjienike dhe në përgjithësi kushte jetike në spitale.”
Përgatiti në shqip: Nataniela Vasileva
Një rindërtim i një kampi luftarak romak po organizohet në komunën Aprillci nga 16 deri më 18 gusht. Veprimtaria në parkun e lagjes "Novo Sello" iu drejtohet kryesisht fëmijëve dhe audiencës familjare.Në majën Ostrec të malit Stara Pllanina, që..
Pjesëmarrësit bullgarë fituan tri medalje në Olimpiadën e parë Ndërkombëtare të Inteligjencës Artificiale, e cila u mbajt në Burgas. Në raundin praktik të Olimpiadës, ekipi bullgar fitoi medalje të arta dhe të bronzta, ndërsa në pjesën teorike, ekipi..
Bullgaria lëshon viza Shengen vetëm për qëndrime afatshkurtra. Deri në fund të korrikut, ato janë mbi 35 000, sipas një deklarate të Ministrisë së Punëve të Jashtme në lidhje me publikimet në media për vizat Shengen të lëshuara nga Bullgaria për..
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një..
Bullgarë janë të parët në botë që guxuan dhe arritën të kalojnë nga fundi në fund hapësirën më të paparashikueshme oqeanike - Oqeanin Arktik, me një..