Negociatat me Komisionin Evropian vazhdojnë. Ne nuk mund të zëvendësojmë një burim të pavarur bullgar, siç është qymyri në pellgun Marica, me një burim të importuar dhe në vend të tyre të ndërtojmë impiante avulli dhe gazi. Të rrisim varësinë tonë nga gazi do të thotë që dikush tjetër ta ndezë dhe të fikë rrymën në vend. Kështu tha gjatë kontrollit parlamentar Zëvendëskryeministri dhe Ministri i Financave Asen Vasilev.

Në kuadrin e negociatave me Komisionin Evropian po diskutohet zëvendësimi i qymyrit me riciklimin e mbetjeve. Kështu, në vend që uzina e plehrave të jetë në qendër të Sofjes, ajo mund të jetë në pellgun Marica duke shfrytëzuar teknologjinë më të lartë. I pyetur për kalimin e vendit në euro, Vasilev tha se Bullgaria është teknikisht plotësisht e gatshme për të adoptuar euron dhe data 1 janar 2024 nuk është e kërcënuar.