Programi i ditës
Radioja Kombëtare Bullgare © 2022 Të gjitha të drejtat janë të rezervuara

Bullgaria do të përdorë të gjitha mundësitë për të zgjidhur konfliktin NATO-Rusi në mënyrë paqësore

| rinovuar më 22-01-26 6.11.MD
Kryeministri Petkov
Foto: BGNES

Gjatë një seance të jashtëzakonshme të Kuvendit Popullor, Kryeministri Kirill Petkov vuri në dukje se ulja e tensioneve është një përparësi kryesore për qeverinë bullgare. Kërkesa për të dëgjuar Kryeministrin dhe ministrat e punëve të jashtme dhe të mbrojtjes po ndodh në një kohë të konfrontimit në rritje mes NATO-s dhe Rusisë. “Që në fillim kemi deklaruar se do të jemi një aleat konstruktiv në NATO, një anëtar i BE-së dhe qëndrimi ynë është shprehur qartë - Bullgaria është dhe do të jetë një aleat i përgjegjshëm me një pozicion të parashikueshëm”, tha kryeministri.

Më herët sot Këshilli i Ministrave vendosi t'i japë përparësi strategjisë bullgare për uljen e tensioneve ndërmjet NATO-s dhe Federatës Ruse, si dhe të shfrytëzojë të gjitha mundësitë për zgjidhjen e këtij konflikti përmes kanaleve diplomatike, njofton BTA. Pas mbledhjes së sotme të qeverisë, në të cilën u dëgjua raporti i Ministrit të Mbrojtjes për situatën NATO-Rusi, Kryeministri Kirill Petkov njoftoi se strategjia bullgare e mbrojtjes do të bazohet në ushtrinë bullgare dhe në rimëkëmbjen e saj financiare. Sipas Ministrit të Mbrojtjes Stefan Janev, do të investohen mjete financiare në ndërtimin e një grupi luftarak batalioni si detyrë prioritare e aftësive mbrojtëse brenda NATO-s.

Në seancën dëgjimore në Parlament Ministrja e Punëve të Jashtme Teodora Gençovska theksoi se Bullgaria e formon qëndrimin e saj në bazë të legjislacionit kombëtar, duke marrë parasysh interesin kombëtar dhe të aleatëve të saj.Sipas Ministres Gençovska, pavarësisht nga masat shtesë që do të ndërmerren, duke përfshirë edhe ato ushtarake, duhet të jetë mjaft e qartë se ato kanë karakter mbrojtës dhe nuk kanë për qëllim përshkallëzimin e tensionit.

Më shumë nga rubrika

Incidenca e Covid në vend është 62 persona për 100 000 njerëz

472 janë rastet e reja me Covid në vend për 24 orët e fundit, ose 60 më pak se një ditë më parë. Mbi 61.2 për qind e të sapoinfektuarve nuk janë të vaksinuar. 12.8 për qind e 3677 testeve të kryera janë pozitive, krahasuar me 12.5 për qind të këtij..

botuar më 22-07-01 9.37.PD

Rusia vazhdon të terrorizojë civilët në Ukrainë me sulme raketore

17 persona vdiqën, duke përfshirë një fëmijë, pas një sulmi tjetër raketor rus në një bllok banimi dhe një stacion pushimi në rajonin Odesa të Ukrainës, njoftoi administrata lokale. 31 civilë u raportuan të plagosur. Mes tyre janë 4 fëmijë dhe një..

botuar më 22-07-01 9.24.PD
Presidenti Radev

Presidenti do t'ia dorëzojë mandatin për formimin e kabinetit partisë “Po e vazhdojmë ndryshimin”

Presidenti Rumen Radev sot do t'i dorëzojë mandatin eksplorues për formimin e qeverisë kandidatit për kryeministër të propozuar nga forca e parë politike "Po e vazhdojmë ndryshimin". Partia ka një javë kohë për të propozuar një projekt kabineti...

botuar më 22-07-01 5.50.PD