Inflacioni në vend nuk do të jetë dyshifror, tha Zëvendëskryeministri dhe Ministër i Financave Asen Vasilev duke iu përgjigjur kritikave gjatë shqyrtimit të buxhetit shtetëror. Çmimet nuk do të rriten deri në prill, pret Vasilev. Zëvendëskryeministri siguroi se inflacioni do të varet edhe nga zhvillimi i konfliktit në Ukrainë dhe veprimet e Shteteve të Bashkuara. Ai tha se më shumë para për policinë, zjarrfikësit dhe punonjësit e kulturës do të jenë në dispozicion vetëm kundrejt reformave.

Buxhetet e Televizionit Kombëtar Bullgar (BNT)dhe Radios Kombëtare Bullgare (BNR) ndezën polemika në parlament. Pushtetarët propozojnë marrjen e 2 milion leva nga BNT, prej të cilëve 1 milion leva t’i jepen ansambleve muzikore të BNR-së. Sipas mazhorancës parlamentare, financimi i kërkuar nga BNT nuk është i arsyetuar.