Pas diskutimeve të gjata, Kuvendi Popullor miratoi ofrimin e ndihmës humanitare, financiare dhe ushtarako-teknike për Ukrainën. Kryetari i Kuvendit Popullor Nikolla Minçev njoftoi se parlamenti vendosi që Bullgaria do të riparojë pajisjet ushtarake të Ukrainës. Ai saktësoi se vendi ynë do të vazhdojë të mbështesë Ukrainën për anëtarësimin e saj në BE, dhe do të ndihmojë refugjatët ukrainas. Do të ofrohet një mundësi për eksportin e grurit ukrainas në Varna dhe do të forcohet bashkëpunimi energjetik, veçanërisht furnizimi me energji elektrike nga Ukraina dhe gaz natyror. Ndërmarrjet ushtarake të Bullgarisë do të riparojnë pajisjet ushtarake ukrainase dhe do të vazhdojnë dërgesat e ndihmave humanitare, veçanërisht medikamentet, veshmbathjet dhe ushqimet, tha Minçev.
Propozimi u bë nga “Po e vazhdojmë ndryshimin” dhe u pranua me votat e deputetëve të katër formacioneve nga koalicioni qeverisës, si dhe të partisë GERB dhe Lëvizjes për të Drejtat dhe Liritë.
Kundër votuan vetëm deputetët e partisë “Vëzrazhdane”.
Që në orën 15, para Kuvendit Popullor u mblodhën protestues kundër vendimit për ndihmën ushtarake për Ukrainën. Një orë më vonë, mbështetëstë lëvizjes “Boec” (Luftëtar) dhe ukrainas u mblodhën në hyrjen veriore të parlamentit për të mbështetur vendimin për të ofruar ndihmë ushtarake. Rreth parlamentit ka një prani të shtuar të policisë, ndërsa trafiku para ndërtesës së Kuvendit Popullor është ndalur.
Pas orës 17, të dyja protestat u transferuan para monumentit të Ushtrisë Sovjetike, ku u shpall një aksion për paketimin e monumentit me flamuj ukrainas dhe bullgarë. Megjithatë, protestuesit për paqe dhe neutralitet kundërshtuan synimet e tyre dhe kordonët e policisë ndanë dy grupet e protestuesve. Udhëheqësi i “Vëzrazhdane”, Kostadin Kostadinov njoftoi se një qytetar i moshuar u sulmua nga ukrainasit në afërsi të vendit të protestës.
Lëvizja për të Drejta dhe Liri (DPS) është kategorikisht kundër përpjekjeve të partive antievropiane dhe proruse për të luajtur me temën “referendumi për euron”. Në një qëndrim të publikuar nga qendra e shtypit e DPS-së, kryetari i DPS-së, Deljan..
"Vëzrazhdane" dhe "Ka një popull të tillë" (ITN) i parashtrojnë zyrës së parlamentit një kërkesë që Kuvendi Popullor të thërrasë një referendum për ruajtjen e monedhës bullgare lev, njoftoi deputeti Conço Ganev nga "Vëzrazhdane". Kjo është një..
Në përgjigje të pyetjeve të deputetëve, ushtruesi i detyrës së ministrit të kulturës, Maestro Najden Todorov , tha se numri i stafit në Fondin Kombëtar të Kulturës është 11 persona. Ata duhet të ndajnë miliona euro për kulturën sipas Planit të..
Ministri grek i mbrojtjes Nikos Dendias njoftoi se Greqia, Bullgaria dhe Rumania do të krijojnë një korridor ushtarak në krahun lindor të NATO-s. "Me..
Bullgaria do të jetë një kryqëzim i dy korridoreve të transportit logjistik të NATO-s. Në bazë të një marrëveshjeje të nënshkruar në takimin e..
Kryetarët e rajonit të Taraklisë në Moldavi dhe të Unionit të Bullgarëve të Banatit dhe deputeti i parlamentit rumun Georgi Nakov diskutuan për..