Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

Një ekspozitë fotografish gjurmon historinë 65-vjeçare të vendpushimit “Zllatni Pjasëci”

Foto: bulgariatravel

Një nga pushimoret tona detare më të vjetra dhe më të bukura po përgatitet për të shënuar jubileun e vet 65 vjeçar. Në lidhje me këtë në Klubin e Përfaqësuesit Popullor në godinën e Parlamentit u hap një ekspozitë me fotografi. Retro-fotografitë, të cilat kanë regjistruar disa nga momentet më të rëndësishme nga zhvillimi i vendpushimit “Zllatni Pjasëci”, do të mbeten në parlament deri më 6 qershor, kurse pas kësaj, deri në fund të muajit, ekspozita do të mund të shikohet në Terminalin 2 të aeroportit të Sofjes.

“Zllatni pjasëci” i cili është një nga tre komplekset kryesore për pushime në Bullgari, është formuar si një vend i preferuar për milionë turistë nga e gjithë bota.Gërmimi i parë i pushimores rreth Varnës është bërë më 11 gusht 1956, kurse hapja zyrtare është më 30 qershor një vit më vonë.

Vija e plazhit është 3.5 kilometra e gjatë dhe 80 deri në 120 metra e gjerë. Pranë saj mbi 90 hotele moderne me restorante dhe pishina të klasës së parë presin mysafirët e tyre çdo verë. Lokalet dhe restorantet me një kuzhinë tipike bullgare  dhe një program të pasur folklorik ofrojnë momente të paharrueshme për vizitorët e vet.


Vendpushimi “Zllatni Pjasëci”, tërheq shumë njerëz të rinj. Ata vijnë këtu për shkak të lokaleve të natës, kazinove për lojë, sallat për bowling, surfing, ski në ujë, delta planerë,  zhytje në ujë, ekskursione të ndryshme, koncerte, festivale, pushime në det dhe të gjitha llojet e argëtimeve të tjera.

Historia e kompleksit “Zllatni Pjasëci” po kështu është shumë interesante. Në të kaluarën që këtu ka kaluar rruga romake, janë zbuluar dhe gjurmë nga prania e trakëve të lashtë.  Kurse në vendin e Kazinosë së sotme Detare, dikur anijet kanë furnizuar ujë të freskët në bazë të kartës së tregtisë së lirë në tokat tona, të nënshkruar në vitin 1230 nga mbreti Asen II, me republikat e Dubrovnikut, Venedikut dhe Genovës.

Akoma gjatë vitit 1915 vëllezërit Shkorpill, themeluesit e shkencës arkeologjike bullgare, të parët e  shtyjnë idenë e tyre për të ndërtuar një sanatorium detar dhe shtëpi verore në këtë vend. Përpara komisionit Karell Shkorpill përkulet, merr një grusht me rërë dhe thotë: “Shikoni sesa e pastër dhe e verdhë është rëra. Kjo është një “rërë e artë”. “Barërat e këqija mund të pastrohen për dy ose tre ditë.” Kështu ai ka mundur që t’i bind autoritetet se vendi është i shkëlqyer për plazh. Akoma në ditën tjetër një ekip marinarësh fillon të pastrojë zonën.Sot është një nga vendpushimet më të famshme dhe më të vizituara bregdetare bullgare.


65 vjetori i kompleksit “Zllatni Pjasëci” do të shënohet me një program të pasur. Festa do të nis më 11 qershor me ndihmën dhe kontributin e Ministrive të Turizmit dhe të Punëve të Jashtme dhe Bashkia e qytetit Varna. Janë të ftuar të gjithë.

Përpiloi: Veneta Nikollova

Përgatiti në shqip: Nataniela Vasileva

Foto: tourism.government.bg, bulgariatravel

Më shumë nga rubrika

Po shtohet mbulesa e dëborës në Pamporovo

Rreth 15 cm është mbulesa e grimbulluar e dëborës në pushimoren Pamporovo në malin Rodopa, sipas të dhënave të Shërbimit të Shpëtimit Malor. Kushtet e skijimit në resort janë të mira, pasi borës artificiale në shpatet i shtohet bora natyrale. Për..

botuar më 23-01-11 6.21.MD
Në Shkëmbinjtë Bekovi

Nëpër bukuritë e panjohura të Bullgarisë me Ljubomir Angellov

Liqenet e Rilës dhe shkëmbinjtë e Bellogradçikut, maja Musalla e kepi Kaliakra , qyteti Mellnik dhe shpella Prohodna me Sytë e Zotit ...  Të panumërta janë bukuritë e Bullgarisë, para të cilave dridhemi nga admirimi dhe që ia tregojmë..

botuar më 23-01-02 10.10.PD

I paparashikueshëm, kaotik, por i suksesshëm – viti turistik 2022

Para dhe pas pandemisë, kjo është mënyra me të cilën ne vazhdojmë të përcaktojmë nëse viti turistik ka qenë i suksesshëm apo jo. Viti 2019, një vit para Covid-19, konsiderohet si një nga më produktivët në industri. Por çfarë ndodhi në vitin aktual..

botuar më 22-12-29 2.30.MD