Programi i ditës
Radioja Kombëtare Bullgare © 2022 Të gjitha të drejtat janë të rezervuara

Komuna italiane Celle di Bulgheria - mysafir nderi në festivalin "Petrovska Kitka" në Veliki Preslav

Celle di Bulgheria

Komuna e Celle di Bulgheria do të jetë mysafir nderi në festivalin folklorik “Petrovska Kitka” në qytetin Veliki Presllav (Bullgari Verilindore). Ngjarja e pritshme do të zhvillohet nga 24 deri më 26 qershor, dhe në të do të marrin pjesë interpretues nga e gjithë Evropa, përfshirë edhe Italinë, raporton edicioni italian Giornale del Cilento.

“Ftesën e morëm personalisht nga kryetari i komunës së Veliki Presllavit Janko Jordanov – tha para botimit kryetari i komunës Celle di Bulgheria Gino Marotta. Ftesa nga pala bullgare nuk është e rastësishme. Banorët e komunës ruajnë kujtimin e paraardhësve të tyre të largët, me në krye khanin protobullgar Alcek, të cilët u vendosën në pjesën jugore të Italisë më shumë se 14 shekuj më parë. Në ditët e sotme, bashkia italiane mban kontakte të ngushta me Bullgarinë përmes një sërë nismash të përbashkëta.

Peppe Cirillo

Veçanërisht për këtë festival, në Veliki Preslav do të mbërrijë këngëtari dhe kantautori italian Peppe Cirillo, së bashku me grupin e tij "Antiqua Saxa". Ata do të prezantojnë aranzhimebashkëkohore të muzikës tradicionale mesdhetare nga rajoni Cilento. Edicioni italian kujton gjithashtu se komuna e Celle di Bulgheria është binjakëzuar me kryeqytetin e vjetër bullgar Veliki Presllav që nga viti 2016 dhe citon kryebashkiakun Gino Marotta, i cili thotë:

Binjakëzimi ynë nuk është vetëm në letër, për ne ai ka një rëndësi shumë më të madhe. Kemi një shkëmbim të rëndësishëm turistik dhe kulturor me Bullgarinë. Çdo vit shumë turistë bullgarë zgjedhin komunën tonë për pushimet e tyre verore.”

Delegacioni i komunës italiane në Veliki Presllav do të udhëhiqet nga Angelo Carelli, këshilltar komunal i Celle di Bulgheria. “Kjo është një mundësi për të promovuar rajonin tonë. Dhe binjakëzimi ynë me Veliki Preslav është një mundësi për një hapje më të gjerë të komunës sonë drejt Evropës”, tha Carelli për Giornale del Cilento.

Përpiloi: Veneta Nikollova

Foto: Komuna e Celle di Bulgheria, Facebook /Peppe Cirillo

Përgatiti në shqip: Vesella Mançeva




Më shumë nga rubrika

Misteri i Xhamisë së Drurit në fshatin Podkova në malin e Rodopeve

Fshati Podkova ndodhet në Rodopet Lindore, vetëm 15 kilometra nga kufiri ynë me Greqinë. Ndodhet larg rrugës kryesore që të çon në pikëkalimin kufitar "Makaza", kështu që këtu rrallë vijnë udhëtarë të rastësishëm.Zakonisht ata që vijnë e bëjnë këtë..

botuar më 22-08-27 2.05.MD

80% e turizmit bullgar në tremujorin e dytë ka qenë në Bullgari

Në tremujorin e dytë të vitit 2022, 1076 milionë bullgarë kanë udhëtuar për qëllime turistike. Shumica e tyre - 80% - kanë udhëtuar vetëm në Bullgari, 15,7% vetëm jashtë vendit dhe 4,3% kanë udhëtuar brenda dhe jashtë vendit, njoftoi Instituti..

botuar më 22-08-24 5.14.MD

Liqenet e Simeonovos ofrojnë freski në kulmin e verës

Tonelata llum dhe mbeturina u hoqën nga katër liqenet e Simeonovos, të cilët e kthyen këtë cep rrëzë Vitoshës në një vend të këndshëm për relaksim dhe freski në kulmin e verës. Një nga simbolet e lagjes Simeonovo të kryeqytetit, liqenet, ishintë..

botuar më 22-08-21 10.55.PD