Gjatë dy viteve të fundit, kostoja e jetesës në Bullgari është e rritur me 60 për qind. Këtë e llogariti një nga dy sindikatat më të mëdha në vend – Konfederata e Sindikatave të Pavarura, në përgjigje të një kërkese nga BNR. Sindikata kërkon mbulim më të madh të familjeve në programet e ndihmës sociale.

Sipas të dhënave të Institutit Kombëtar të Statistikave, inflacioni në Bullgari tejkaloi 15 për qind me bazë vjetore. Nga korriku, shpenzimet e rritura për energjinë elektrike, ngrohjen dhe ujin e ngrohtë do t’i shtohen faturave më të larta familjare. Paga mesatare në qytetet rajonale tashmë i kalon 1000 leva (511 euro), por në të njëjtën kohë po rritet edhe numri i të varfërve që punojnë. Barra më e madhe në buxhetin e familjes është ushqimi, e ndjekur nga faturat e familjeve, sipas Institutit për Kërkimet Sociale dhe Sindikaliste pranë Konfederatës së Sindikatave të Pavarura në Bullgari.