Bullgaria renditet e para në Bashkimin Evropian për sa i përket përqindjes së njerëzve që besojnë se janë të ekspozuar ndaj dezinformacionit dhe lajmeve të rreme, sipas një sondazhi të Eurobarometrit të porositur nga Parlamenti Evropian. 55 për qind e bashkatdhetarëve tanë deklarojnë se kjo u ndodh “shpesh” ose “shumë shpesh”. Sipas sondazhit, 44 për qind e bullgarëve u besojnë më shumë mediave publike. Pasuar nga rrjetet sociale me 25 për qind, platformat e tjera online (blog dhe podcast) me 23 për qind, televizionet private dhe radiot me 21 për qind. Televizioni rezulton se është burimi më i preferuar i lajmeve për 86 për qind të të anketuarve, i ndjekur nga platformat e lajmeve në internet, platformat dhe bloget e mediave sociale, radioja dhe shtypi.