Një mik më ftoi për ta vizituar Bosilegradin (një qytet në Serbi, afër kufirit me Bullgarinë, ku jetojnë bullgarë etnikë). "Njerëzit atje gëzohen sinqerisht për çdo bullgar që i viziton. Për ta, ardhja e njerëzve nga përtej kufirit është një mbështetje e vërtetë nga Bullgaria” – tha ai.
Ivan Nikollov, i cili është motori dhe shpirti i Qendrës Kulturore dhe Informative në Bosilegrad, na ftoi në një festë të këndshme në zonën e afërt "Dobri Doll". Aty 50 fëmijë dhe prindër festuan solemnisht përfundimin e turnit të parë të “Pushimeve Olimpike të XIV të Fëmijëve – Bosilegrad 2022”. Menjëherë pas kësaj, fillon turni tjetër. Të udhëhequr nga mësuesi i frymëzuar Zhellko Nasev, përveç lojërave dhe studimit të natyrës, fëmijët argëtohen duke marrë njohuri në aktivitete të ndryshme artistike - vizatimе, fotografi, video, punë me baltë dhe dru, teatër, studime sociale. Në 6 vitet e fundit, pushimet olimpike në fjalë janë mbështetur nga programi "Ndihma Bullgare për Zhvillim" i Ministrisë së Punëve të Jashtme. Disa nga fëmijët duhet të shkojnë së shpejti me pushime të organizuara në Detin e Zi dhe z. Nikollov tha se po vazhdon të kërkojë fonde për zgjerimin e grupit.
U takuam edhe me Aleksandër Dimitrov. Ai arrin të kapërcejë të gjitha pengesat e mundshme për të organizuar ngjarje kulturore dhe arsimore në qytetin e vogël të banuar kryesisht me bullgarë etnikë. Z. Dimitrov na tregoi me entuziazëm se nga data 18 deri më 24 korrik do të zhvillojnë për herë të dytë një plein air ndërkombëtar arti. Në mesin e 16 artistëve ka artistë të shkolluar vendas, por edhe nxënës fillestarë të shkollave të mesme. Këtë vit, pjesëmarrësve nga Bullgaria, Serbia dhe Maqedonia e Veriut u bashkohet një familje bullgarësh besarabë nga Ukraina.
“Ne nuk u japim atyre detyra, nuk duam t'i kufizojmë pikëpamjet e tyre për Bosilegradin - na shpjegoi Aleksandër Dimitrov. – Ata kanë liri të plotë për të bërë atë që u vjen si frymëzim. Detyra jonë është t'u tregojmë fshatrat e bukur të Bosilegradit, mjedisin natyror, por në përgjithësi ata mund të pikturojnë atë që kanë në zemër”.
Kontaktet krijuese në të dyja anët e kufirit nuk do të përfundojnë me plein air-in në fjalë. Aleksandër Dimitrov pret gjatë verës në Bosilegrad nxënës nga një shkollë për graffiti në Kjustendill.
“Ata do të jenë mysafirë të Bosilegradit. Tashmë kemi përzgjedhur pesë shtëpi vendase ku do të pikturohen graffiti. Kjo do të ndodhë për herë të parë në qytetin tonë dhe jam i sigurt se do të vihet re nga të gjithë. Vërtetë do të kemi një verë shumë interesante në Bosilegrad.”
Përgatiti në shqip: Vesella Mançeva
Foto: Ivo Ivanov“Trakët, vera dhe kultura” është tema e seminarit në kompleksin arkeologjik “Lugina e mbretërve trakë” pranë Kazanllëkut, i cili do të mbledhë së bashku shkencëtarë dhe studiues nga e gjithë Bullgaria më 22 shkurt. Ky është edicioni i nëntë i..
“Vendi në Francë ku së bashku vizatojmë të ardhmen bullgare të fëmijëve tanë” – kështu e përshkroi Janeta Dimitrova vendin e saj të punës – Shkollën Bullgare të së Dielës “Ivan Vazov” në Paris – në një postim në një rrjet social një vit më parë. Është..
152 vjet pasi Bullgaria humbi birin e saj të dashur, luftëtar për një shtet të lirë, të pavarur dhe tolerant - Vasill Levski, personaliteti i tij vazhdon të emocionojë dhe të frymëzojë zemrat e bullgarëve të të gjitha brezave. Historianët vazhdojnë të..
Afro 80% e popullsisë së qytetit moldav Taraklija janë bullgarë etnikë. Në planin historik, qyteti është themeluar në fillim të shekullit XIX nga kolonia..
Aktualisht, Holanda mbetet ende destinacioni kryesor për marrjen e arsimit të lartë jashtë vendit nga studentët e ardhshëm bullgarë, e ndjekur nga..
Bullgaria edhe një vit merr pjesë në nismën Java Botërore e Parasë. Ky është edicioni i 13-të i Fushatës Globale për Rritjen e Ligjërimit Financiar midis..