Fluksi i turistëve të huaj në kryeqytet është rritur me 139% në gjysmën e parë të këtij viti krahasuar me të njëjtën periudhë të vitit të pandemisë 2021. Më të shumtë janë miqtë e ardhur nga Gjermania, Rumania, Izraeli, Italia, SHBA, Greqia dhe Britania e Madhe, raportojnë nga Ministria e Turizmit. Pjesa më e madhe e turistëve të huaj mbërrijnë me Low cost fluturime për fundjavën, të tjerë mbeten për pak kohë në qytet përpara se të vazhdojnë drejt brendësisë së vendit. Qëndrimi i tyre mesatar në Sofje është 2-3 ditë, por çmimi i fjetjeve që nga fillimi i vitit është rritur me 86%.
Sipas Ivo Marinovit, drejtor i Ndërmarrjes Komunale Kryeqytetase "Turizmi", vizitorëve të huaj më së shumti u bën përshtypje qendra historike e Sofjes me gjurmë të kohës romake, kishat, muzetë dhe galeritë e artit, si dhe mundësia për t'u njohur me kuzhinën vendase dhe verërat. Ata vijnë dhe për programin e pasur kulturor - koncerte, spektakle të operës, shfaqje të ndryshme folklorike... Duke gjykuar në bazë të anketimeve të shumta të Radio Bullgarisë, një nga gjërat, të cilat u pëlqejnë të huajve, janë gjelbërimi i madh dhe parqet e bukura të Sofjes.
Megjithatë, shumica e njerëzve nuk dyshojnë se hapësirat e gjelbra në qytet janë të banuara nga një pasuri e pabesueshme zogjsh - qukapikët (Dryocopus), mëllenjë (Turdus merula), gushëkuqët (Erithacus), trishtili (Parus major) dhe specie të tjera me pupla. Në Kopshtin e Borisit, si parku pyjor më i madh në kryeqytet, ka edhe zogj grabitqarë që folezojnë, si skifteri i vogël (Accipitriformes) dhe bufi veshgjatë (Asio otus).
Në parqet me zona ujore, si Parku Jugor, vërehen edhe shpendë ujorë si rosa e vendit (Anas platyrhynchos) e të tjera. Kurse simboli i zogut të kryeqytetit është trishtili i madh (Parus major), sipas një sondazhi të bërë kohë më parë mes banorëve të Sofjes.
“Në këtë lidhje, ne krijuam hartën “Njihuni me shpendët e Sofjes”, në të cilën prezantojmë 5 parqe me 3 itinerare me 36 pikë të informacionit, në të cilat mund të vihen re mbi 200 lloje. Sepse Sofja është qyteti i dytë evropian për nga pasuria e shpendëve! Itineraret janë në ngjyrat e verdhë dhe blu, siç janë dhe pendët e simbolit tonë - trishtilit. Ka dhe tablo informuese për llojet e veçanta, si dhe këshilla sesi të kujdesemi për zogjtë”- ve në dukje Ivo Marinov.
Përveç ndjekjes së gjurmëve të zogjve, miqtë e kryeqytetit mund të ndjekin edhe gjurmën e ... verës. Sofja nuk është pjesë nga rajonet e verës në Bullgari, por kjo nuk pengon që qyteti të jetë konsumatori më i madh i verës në vend. Pikërisht kështu ka lindur dhe ideja për krijimin e itinerarit të verës së qytetit me hartë, e cila përfshin mbi 40 restorante dhe bare, si dhe 31 dyqane të specializuara në Sofje, që ofrojnë verë bullgare të cilësisë së lartë. Kurse adhuruesit e artit rrugor dhe të kulturës së grafiteve, e cila tek ne fillon të zhvillohet në mesin e viteve 90 të shekullit të 20, do të jenë të “joshur” me itinerarin „STREET ART SOFIA“:
“Në hartë janë përfshirë 20 grafite, kryesisht në pjesën qendrore të qytetit, deri tek të cilat ka një prani të lehtë me transport publik. Që të tria hartat në mënyrë periodike do të aktualizohen. Për shembull në hartën për artin rrugor do të përfshijmë në një të ardhme të afërt dhe grafitë me një vlerë të madhe nga lagja e kryeqytetit “Haxhi Dimitër” dhe pjesë të tjera të qytetit” - thotë Ivo Marinov.
Harta e verërave e Sofjes tanimë është e botuar në portalin zyrtar turistik të Bashkisë së Kryeqytetit. Deri në fund të muajit korrik do të vendosen edhe hartat e shpendëve dhe të artit rrugor, premtoi Ivo Marinov.Përgatiti në shqip: Nataniela Vasileva
Foto: visitsofia.bg, pixabay
A mund ta njihni Bullgarinë nga pamja e shpendëve, pa ndihmën e një droni apo avioni? Përgjigja është po, për këtë janë platformat panoramike. Ato janë ndërtuar lart në qiell dhe zbulojnë pamje mahnitëse të grykave, majave të mbuluara me..
Edicioni i dhjetë i Festivalit Kombëtar të Lavandës zhvillohet më 14 dhe 15 qershor në fshatin Çirpan të Sredno Gradishtes. Janë disa nga plantacionet më të vjetra të livandës në vend, të cilat kanë ekzistuar për më shumë se 80 vjet. Koncepti i festës..
Në Ditën e Dyerve të Hapura - 15 Qershor, për herë të parë vizitorët e Muzeut të Mozaikëve në Devnja do të prezantohen me gjetjet e restauruara të zbuluara në vitin 2023. Bëhet fjalë për enë balte dhe llamba, të bëra në stilin e mjeshtrave nga..