Është koha që miqësia mes Bullgarisë dhe Azerbajxhanit të bëhet urë për diversifikim më të madh të energjisë, tha Kryeministri i dorëhequr Kirill Petkov në një intervistë për agjencinë e lajmeve azerbajxhanas “Trend”.

Ai tha se interkonektori Greqi-Bullgari, i cili do të përdoret për transportimin e gazit nga Azerbajxhani në Bullgari, është gati 99 për qind. Petkov theksoi se ai bëri vizitë në Baku me qëllim të zvogëlimit të varësisë energjetike të Bullgarisë nga Rusia.

“Gjatë vizitës sime, ne diskutuam me Presidentin Ilham Aliiev mundësinë e furnizimit me gaz shtesë nga Azerbajxhani në Bullgari. Është i nevojshëm zhvillimi i mëtejshëm i infrastrukturës së gazit dhe është i rëndësishëm konsolidimi i bashkëpunimit ndërmjet vendeve në rajon për të garantuar sigurinë e furnizimeve dhe diversifikimin në të ardhmen”, tha kryeministri i dorëhequr bullgar për “Trend”, cituar nga BTA.

• Nga korriku, Bullgaria mund të marrë gaz nga Azerbajxhani përmes Greqisë