Katër korridore evropiane të transportit do të zgjaten deri në Ukrainë dhe Moldavi, njoftoi Komisioni Evropian. Vendimi synon të rrisë konektivitetin me të dy vendet. Dy nga korridoret kalojnë përmes Bullgarisë - korridori Rein-Danub dhe ai i krijuar këtë vit, i cili lidh Detet Egje, të Zi dhe Baltik, njoftoi korrespondentja e BNR në Bruksel, Angelina Piskova. Zgjerimi përfshin portet kryesore ukrainase Odesa dhe Mariupoll.

Komisioni Evropian propozon gjithashtu që Rusia dhe Bjellorusia të hiqen nga hartat e rrjetit evropian të transportit, pasi bashkëpunimi mes BE-së dhe këtyre dy vendeve në situatën e sotme nuk është në interes të Komunitetit.