Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Lubomir Djakovski: "Kemi përgatitur programe interesante dhe të vlefshme"

Sezoni i ri i koncerteve të Filarmonisë së Plevenit

Foto: Filarmonia e Plevenit

Në sezonet e fundit, Filarmonia e Plevenit po përfshin në afishen e saj gjithnjë e më shumë projekte që realizon së bashku me institucione të ndryshme muzikore, solistë dhe dirigjentë të njohur. Midis tyre janë "Le të dëgjojmë kinema" një program i krijuar mbi këngë të bukura nga filmat e dashur bullgarë në aranzhim të Hristo Jocovit, “Bota e kinemasë në muzikë”, si dhe “Në botën e muzikës” në bazë të idesë dhe me pjesëmarrjen e Vesko Eshkenazit-koncert mjeshtër i Koncertgebau-Amsterdam e tjera. Nga Ljubomir Djakovski, drejtor i filarmonisë së qytetit Pleven mësojmë se, këto prodhime të përbashkëta mbeten në planin e repertorit të orkestrës dhe do të prezantohen në qytete të ndryshme të vendit, krahas me programe të reja dhe interesante. Mes dirigjentëve miq janë Grigor Pelikarov, Jordan Kamxhallov, Borisllav Jocov e të tjerë, si dhe Najden Todorov - drejtor i Filarmonisë së Sofjes, me të cilën Filarmonia e Plevenit ka një bashkëpunim të ngushtë.

Në fazën përfundimtare është përgatitja për vitin e ardhshëm 2023, gjatë të cilit orkestra do të festojë 70 vjet nga themelimi i saj. Këtij përvjetori të shënuar i janë kushtuar dhe disa nga koncertet e ardhshme. “Kemi përgatitur dhe programe koncertesh interesante dhe me vlerë”-thotë zoti Djakovski. Ja dhe akoma hollësi të tjera:

Najden Todorov do të dirigjojë gjatë tetorit “Simfoninë italiane” nga Mendelssohn dhe Koncertin për Piano nga Schumann me solist Fidosi Kerçev – pianist i ri dhe shumë i talentuar. Në tre koncerte kemi dhe një prani shumë të fortë të Plevenit në personin e muzikantëve të njohur, bashkëqytetarë tanë-pianistet Pllamena Mangova dhe Dora Delijska, si dhe dirigjenti profesor Pllamen Xhurov. Me ndihmën e Institutit Kulturor Italian dhe basit të njohur Orlin Anastasov, po përgatisim "Stabat Mater" nga Rossini, në lidhje me 230 vjetorin e lindjes së kompozitorit. Po vazhdon turneu kombëtar i filarmonisë së Plevenit me “Bota e kinemasë në muzikë”.

Këngët e "Puccinit" është një koncert që do ta realizojmë në galerinë e artit "Ilia Beshkov" në qytetin tonë. Marrin pjesë tenori Boris Llukov, pianistja Viliana Vëllçeva, kuarteti i harqeve nga Filarmonia e Plevenit, kori komunal "Gena Dimitrova". Presim me padurim dirigjentin Rosen Gergov, i cili do të vijë nga Vjena me tre djemtë e tij. Ata luajnë në violinë, piano dhe violonçel. Jam i sigurt se do të jetë një koncert i mrekullueshëm. Të mos të harrojmë dhe dy koncertet e pjesëmarrësve në klasën e mjeshtërisë të Mario Diaz, të cilët janë më 15 shtator në qytetin Pleven dhe më 16 shtator në sallën “Bëllgaria” në kryeqytet.

Gjatë ditëve të fundit filarmonia e qytetit Pleven për herë të dytë ishte mikpritëse e klasës vokale të mjeshtërisë të tenorit të njohur Mario Diaz dhe Vjara Shuperlieva-piano, pedagogë në “Mozarteum”-Austri. Kurse koncertet në Pleven  dhe në Sofje janë nën drejtimin e dirigjentit maestro Najden Todorov.

Përgatiti në shqip: Nataniela Vasileva

Foto: Filarmonia e Plevenit




Последвайте ни и в Google News Showcase, за да научите най-важното от деня!

Më shumë nga rubrika

“Fenomen” – një këngë me një mesazh të fortë

Shumë energji rinore rrjedh nga kënga "Fenomen" e Niki R:ce. Ky është emri artistik i këngëtares Nikoll Rizova, e cila ishte pjesë e grupit të fëmijëve “Bon-Bon” . Pranë saj si në muzikë ashtu edhe në jetë është Cvetan Marinov, të cilin e njohim..

botuar më 24-06-21 8.10.PD

Orkestra Popullore e BNR mbyll sezonin me një produksion të ri dhe solistë të ndritur

Orkestra e Muzikës Popullore e Radios Kombëtare Bullgare (BNR) me dirigjent Dimitër Hristov mbyll sezonin sonte /20 qershor/ me një koncert në të cilin do të tingëllojnë vetëm titujt premierë. Programi përfshin 17 pjesë të reja dhe aranzhime..

botuar më 24-06-20 6.15.PD

Ljubo Kirov fillon verën me një këngë dhe album të ri - "Zemra e re"

Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..

botuar më 24-06-19 1.25.MD