Formacione përfaqësuese të Ushtrisë Bullgare do të marrin pjesë në manifestimet kushtuar 114 vjetorit të shpalljes së Pavarësisë së Bullgarisë. Tradicionalisht, qendra e festimeve kombëtare më 22 shtator është qyteti Veliko Tërnovo. Nga ora 09:00 në oborrin e Kishës “Shenjt 40 Dëshmorët” do të shërbehet një liturgji për bekimin e flamurit luftarak të Universitetit Ushtarak Kombëtar “Vasill Levski” dhe flamujve të institucioneve shtetërore.

Veliko Tërnovo pret gjithashtu Festivalin e XV Ndërkombëtar të Orkestrave Frymore Ushtarake. Muzikantët do të marrin pjesë në procesionin festiv, i cili fillon në orën 11:30 nga Kalaja Carevec. Në orën 12:30 fillon shfaqja e pjesëmarrësve në sheshin përballë postës, ku orkestrat do të prezantojnë një program të pasur.

Banda përfaqësuese frymore e Marinës do të mbajë një koncert në sheshin “Anton Novak” në hyrje të Kopshtit Detar në Varna nga ora 16:00.