Pushtuesit rusë vazhdojnë evakuimin e detyruar të popullatës civile nga rajoni i Hersonit. 70 000 veta tashmë u evakuuan nga zona me autobus pasi transporti personal është i ndaluar. Sipas analistëve ukrainas, të sapo mobilizuarit do të strehohen në shtëpitë civile në mënyrë që të mbijetojnë dimrin dhe të mos ikin gjatë një kundërofensivë ukrainase në Herson, njofton UNIAN.

Vazhdon presioni i fortë i grupit mercenar “Wagner” kundër Bahmut dhe Avdeevka në rajonin e Doneckut. Për muaj të tërë, ushtria private prej 7000 ushtarësh bën prova të vërtetojë se është më e aftë luftarake se ushtria e rregullt ruse, por deri më tani ajo ka pasur sukses minimal, njofton Instituti për Studimin e Luftës me qendër në SHBA - ISW.

Anijet me flamur turk do të vazhdojnë të eksportojnë grurë ukrainas përmes Detit të Zi, pas tërheqjes së Rusisë nga marrëveshja e ndërmjetësuar nga OKB. Këtë ia lajmëroi përmes telefonit ministrit rus të mbrojtjes Sergei Shoigu kolegu i tij turk Hulusi Akar, raporton faqja turke msb.gov.tr.