Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Lindja e Krishtit inspiron shpresë për paqe dhe mirëkuptim

Ati Ljubomir Stojanov: Thelbi i festës është në shpirt, ku lind dashuria

Foto: BGNES

“Lavdi Zotit në qiell, paqe në tokë, mirësi mes njerëzve”. Për më shumë se 2000 vjet, këto fjalë lavdëruese engjëllore tingëllojnë në të gjitha kishat e krishtera për të mburrur Lindjen e Krishtit si një festë shprese dhe besimi në fuqinë gjithëpushtetëse të dashurisë dhe mirësisë. Dhe këtë vit, më shumë se kurrë, të gjithë besimtarët luten thellë në zemrat e tyre për paqen tokësore dhe mirëkuptimin mes njerëzve.

Si çdo vit, Festa e Ndritshme na kujton se Biri i Zotit erdhi mes nesh për të na nxjerrë nga rrethi vicioz i armiqësisë dhe për të na mësuar dashurinë e vërtetë, e cila as nuk kërkon dhe as nuk pret asgjë në këmbim. Ai na jep shembullin e Tij duke e ofruar Veten si flijim për shpëtimin tonë. Prandaj kreshma që i paraprin Festës së Shenjtë është e gëzueshme, por edhe e përulur në pritje të Dritës që lind në shpirtin e çdo besimtari.

“Si çdo periudhë që po hyjmë, edhe tani kisha na përgatit me kreshmë për të pritur Krishtin që po lind - vëren At Ljubomir Stojanov, kreu i tempullit metropolitan “Lartësimi i Kryqit të Nderuar”. - Është e rëndësishme të mos harrojmë se kreshma është një vepër shpirtërore, prandaj Kisha na këshillon të pranojmë Krishtlindjet jo me ndonjë madhështi, por me modesti - që i ka hije lindjes së Tij në një stallë dhe jo si lind një mbret. Kështu edhe ne e përjetojmë Natën e Buzmit me ushqim pa mish dhe lutje, në pritje të Festës së Shenjtë.”

Në orët para të festës, Kisha kujton fjalët e profetit Isaja, i cili thekson shpëtimin që do të vijë nëpërmjet Mesisë: “Dhe ata do t’i venë emrin Emanuel, që do të thotë: “Zoti me ne”. Ai do të sundojë me drejtësi, do të sjellë paqe dhe do të jetë dritë për të gjitha kombet. Janë këto fjalë që mbushin me shpresë besimtarët që përgatiten shpirtërisht për festën, në mëngjesin e Lindjes së Krishtit:

Ati Ljubomir Stojanov

“Të përgatitur, së pari të shkojmë në kishë, të kërkojmë priftin për rrëfim, të marrim kungimin me Sakrementin e Shenjtë - këshillon At Ljubomir. - Kështu do ta prisnim festën në mënyrën më të përshtatshme, si të krishterë ortodoksë. Pjesa tjetër, që është pjesa materiale, secili mund të vendosë se çfarë është më e përshtatshme. Kjo festë nuk thekson anën e jashtme, por shpirtëroren. Sigurisht, në pritjen e të ftuarve për festën, ekziston një rrezik i caktuar për të zhvendosur thelbin e kremtimit.”

Dhe ai është në shpirt ku lind dashuria. Dashuria e vërtetë nuk shprehet vetëm në kujdesin dhe dashurinë për më të afërmit, por në faljen e atyre që na urrejnë dhe na ofendojnë, për t’u dhënë atyre një dorë dhe për t’u treguar thelbin e vërtetë të Dashurisë. Të falim – që të na falin, të duam pa pritur të na duan dhe të japim pa kërkuar lavdërime dhe njohje.

Kur mblidhemi me të dashurit tanë në tavolinë - le të mendojmë për të gjithë ata që në këtë moment po vuajnë dhe nuk mund të shijojnë atë që kemi dhe të falënderojmë Zotin për gëzimin që jemi të gjithë së bashku në tryezë:

“Në fakt, çfarëdo që të vendosim në tryezë, është e rëndësishme që të jetë e bekuar nga kryefamiljari, të lexohet një lutje më parë. Çdo gjë tjetër është kotësi. Ne, si të krishterë ortodoksë, që kemi pranuar Pagëzimin e Shenjtë, duke ndjekur shembullin e Jezu Krishtit, përmes kupës së Kishës së Shenjtë, e cila simbolizon barkun, kemi lindur në Krisht. Kjo është arsyeja pse kjo festë është një rast i mirë për të forcuar veten në besim, dhe nëse nuk kemi pasur sukses - ta bëjmë atë. Le të jetë kjo Krishtlindje një rast i mirë që secili të lind përsëri dhe të jetojë me dinjitet si ndjekës i vërtetë i Krishtit.”

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Patriarku i ri Daniill

Patriarku i ri theksoi se thirrja e kishës është të bashkojë të përçarët

Thirrja e kishës është të mbledhë ata që janë ndarë, deklaroi patriarku i ri bullgar Daniil para liturgjisë së tij të parë të shenjtë. “Ka shumë detyra. Sot është një ditë e veçantë, në të cilën festohet kthimi i relikteve të Shën Ivan Rillskit..

rinovuar më 24-07-01 5.41.MD
Harman Kaja

Strukturat e lashta të Harman Kaja dhe Asara në Rodopet Lindore "flasin" me ndihmën e lidar

Për herë të parë, dy nga vendet më misterioze arkeologjike në Rodopet Lindore janë studiuar në detaje nga ajri. Arkeologët bullgarë fotografuan kompleksin shkëmbor Harman Kaja pranë fshatit Bivoljane dhe kështjellën e lashtë Asara pranë Tatul me të..

botuar më 24-06-28 7.30.PD
Mitorpoliti Daniili i Vidinit

Hiri i Frymës së Shenjtë është në unitetin, pastërtinë e besimit dhe devotshmërinë

Menjëherë pas festës së madhe të krishterë të Rrëshajave, po festojmë ditën e Shpirtit të Shenjtë - personi i tretë i Trinisë së Shenjtë. Festa kishtare është gjithashtu e fundit para festës së të Gjithë Shenjtorëve, e cila përfundon ciklin e Pashkëve...

botuar më 24-06-24 1.03.MD