Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Të gjitha partitë pa “Vëzrazhdane” bënë thirrje për formimin e qeverisë

Foto: BGNES

Partitë parlamentare bënë deklarata politike në seancën e parë të Kuvendit Popullor në vitin 2023.

GERB beson se nuk u shfrytëzua një mundësi e mirë për zgjidhjen e krizës politike pasi u refuzua krijimi i qeverisë me mandatin e tyre. Toma Bikov nga GERB kërkoi që në mandatin e tretë të formohet një qeveri “sipas realitetit dhe jo sipas ëndrrave dhe shpresave”.

Në emër të "Po e vazhdojmë ndryshimin", kandidati për kryeministër, akademiku Nikollaj Denkov, i cili mori mandatin e dytë për të formuar një kabinet, tha se parlamenti i 48-të mund të mbijetojë vetëm nëse zgjedh një qeveri të rregullt. Ai u bëri thirrje kundërshtarëve të tij që të shpjegojnë se si e parashikojnë zbatimin e mandatit të tretë për formimin e qeverisë.

Kryetari i DPS-së, Mustafa Karadajë, theksoi se Bullgaria ka nevojë për një qeveri të rregullt të qëndrueshme dhe se mosbesimi i shoqërisë ndaj politikanëve dhe parlamentit nuk mund të zgjidhet me zgjedhje të parakohshme.

Kryetarja e BSP-së Kornelija Ninova bëri thirrje që së pari të sigurohet stabiliteti politik me formimin e një qeverie të rregullt, të shqyrtohen me kujdes kushtet në të cilat të hyjmë në Eurozonë dhe që Bullgaria të mos ndërhyjë në luftën në Ukrainë.

Kreu i “Vëzrazhdane” Kostadin Kostadinov tha se nga 11 janari do të fillojë mbledhja e nënshkrimeve për mbajtjen e referendumit kundër futjes së euros.

Lideri i “Bullgarisë Demokratike” Hristo Ivanov kërkoi që parlamenti të krijojë një qeveri e cila të mund të bëjë reforma.

Lideri i "Ngritjes Bullgare" Stefan Janev gjithashtu këmbënguli për formimin e një qeverie të re.




Последвайте ни и в Google News Showcase, за да научите най-важното от деня!

Më shumë nga rubrika

Protesta e heshtur para godinës së Spitalit Shtetëror Psikiatrik në Carev Brod, rajoni i Shumenit

Kujdesi psikiatrik në Bullgari mbështetet nga 572 specialistë

Punëtorët në spitalet psikiatrike shtetërore kanë hyrë në grevë duke kërkuar paga më të larta dhe kushte më të mira pune, duke përfshirë mbrojtjen e duhur të vendit të punës, pasi punojnë me pacientë të rrezikshëm. Specialistët e rinj po ikin sepse nuk..

botuar më 25-03-19 3.26.MD

Bullgaria është e gatshme të ofrojë ndihmë të re për Maqedoninë e Veriut

Qeveria bullgare mbetet e gatshme të ofrojë ndihmë shtesë për miqtë dhe fqinjët e saj nëse ata kanë nevojë në këtë kohë të vështirë. Këtë ia ka siguruar ministri i jashtëm Georg Georgiev homologut të tij maqedonas Timço Mucunski, i cili ishte në..

botuar më 25-03-19 8.47.PD

Një formacion ushtarak bullgar niset për të marrë pjesë në forcën stabilizuese të NATO-s në Kosovë

Një formacion ushtarak bullgar do të dërgohet me një ceremoni solemne për të marrë pjesë në forcat rezervë operative të Forcës së Stabilizim të NATO-s në Kosovë (KFOR). Ceremonia, në të cilën do të marrë pjesë shefi i mbrojtjes, admirali Emill..

botuar më 25-03-19 5.55.PD