Ministria e Punëve të Jashtme tha se politikanët dhe figurat publike nga Bullgaria dhe Maqedonia e Veriut kanë një rol të përgjegjshëm në krijimin e besimit dhe fqinjësisë së mirë. Theksohet se deklaratat publike që fyen ose provokojnë palën tjetër janë absolutisht të papranueshme dhe kundërproduktive. Ato nuk janë dhe nuk mund të interpretohen si qëndrim zyrtar i Sofjes. Duke pasur parasysh historinë e përbashkët që lidh dy vendet, festimet e ngjarjeve dhe personaliteteve të përbashkëta historike, siç është përvjetori i 120-të të lindjes së revolucionares Mara Buneva, duhet të çojnë në forcimin e besimit dhe fqinjësisë së mirë.

Jo më pak të rrezikshme janë apelet e partive margjinale në Maqedoninë e Veriut kundër politikanëve dhe figurave publike bullgare të cilët janë të përkushtuar për mbrojtjen e të drejtave të bullgarëve në Maqedoninë e Veriut dhe projektet për afrimin e njerëzve mes dy vendeve, thuhet në qëndrimin e Ministrisë së Jashtme.