Çdo ditë është e veçantë, por 25 janari është veçanërisht solemn për të gjithë ne nga Shtëpia e Vjetër, siç shpesh e quajmë Radion Kombëtare Bullgare (BNR). Sivjet shënojmë 88 vjet nga themelimi i tij. Sipas traditës që nga viti 2001, kulmi i festës është dorëzimi i çmimeve vjetore të BNR-së dhe shpallja e fituesit të Çmimit të Madh “Sirak Skitnik”, me emrin e drejtorit të parë të medias - Panajot Todorov Hristov, i njohur nga pseudonimi i tij Sirak Skitnik.
Ceremonia solemne është sonte në Studion e Parë të BNR-së dhe do të transmetohet drejtpërdrejt në faqen e internetit bnr.bg. dhe në kuadër të programit kombëtar “Horizont”. Në mesin e 24 të nominuarve - gazetarë, emisione, programe radiofonike, muzikantë dhe drejtori, fituesit e çmimeve të këtij viti do të përcaktohen në tri kategori: gazetari radiofonike, transmetim radio/projekt radio/projekt multimediatik/projekt muzikor dhe Çmimin e Madh “Sirak Skitnik” për kontribut të rëndësishëm në zhvillimin e Radios Kombëtare Bullgare.
Jo pa krenari kujtojmë se ishte “Radio Bullgaria” ajo që vitin e kaluar u bë fituese e Çmimit të Madh “Sirak Skitnik” – një statujë e Vezhdi Rashidov. Njohja u dha për programet ditore “Bullgaria Sot” në 9 gjuhë të huaj, i cili u restaurua në vitin 2021.
Programet në anglisht, gjermanisht, rusisht, frëngjisht, spanjisht, turqisht, greqisht, serbisht dhe shqip janë një produkt unik deri më tani në hapësirën digjitale me larmi lajmesh, temash dhe muzikë bullgare që përfaqësojnë atdheun tonë siç është sot.
Duke marrë statujën kryeredaktori i “Radio Bullgarisë” Krasimir Martinov tha: “Po ecim përpara!” Dhe e bëmë.
Gjatë vitit të kaluar, programi ynë vazhdoi të zhvillohet dhe të pasurohet
Para pak kohe familja jonë u pasurua me një anëtar të ri – redaksinë e gjuhës rumun dhe u rivendos programi zanor në bullgarisht, i cili është i disponueshëm në faqen tonë çdo ditë jave nga ora 19:00.
Përpjekjet tona nuk mbetën pa u vënë re dhe ekipi i “Radio Bullgarisë” mori sërish një nominim për programin "Bullgaria sot" dhe për pasqyrimin e zgjedhjeve parlamentare të vitit 2022 mes bullgarëve jashtë vendit. Me çka shprehim mirënjohjen tonë edhe për ju, dëgjuesit dhe bashkëbiseduesit tanë nga e gjithë bota, sepse edhe një herë dëshmuam se së bashku jemi një ekip i mirë “Bullgaria”.
Ekipi i Redaksisë së Gjuhës Ruse të “Radio Bullgarisë” këtë vit meritoi nominimin për çmimin e madh “Sirak Skitnik”.
Në muajt jashtëzakonisht të vështirë dhe të paparashikueshëm të luftës në Ukrainë, Desisllava Semkovska, Snezhana Nikiforova, Elena Paskallova, Maria Atanasova dhe Villhellm Balltaxhian i përmbaheshën parimit kryesor në punën e tyre - përmbajtjes më korrekte, më të plotë dhe të bazuar në fakte. Ata ishin në dispozicion dhe ndihmuan kolegët e tyre nga programet e ndryshme të BNR-së me përkthimin, komentimin ose historinë.Transmetimi zyrtar i programeve të Radio Bullgarisë në rusisht startoi më 1 prill 1995. Sot, faqja është një nga më të lexuarat dhe më të dëgjuarat në sajtin tonë.
“Nominimi është një njohje që kolektivisht e meritonim, duke u përpjekur t’i informojmë dëgjuesit tanë sa më të detajuar, në kohë dhe në një nivel të lartë gjuhësor - thotë Villhellm Balltaxhian. - Detyra jonë kryesore është të shpërndajmë informacione për atë që po ndodh në Bullgari.”
Në kategorinë “Radio Gazetari” u nominua redaktorja jonë muzikore Allbena Bezovska.
Rruga e saj krijuese në tre dekadat e fundit është lidhur me “Radio Bullgarinë”. “Është jashtëzakonisht bukur të marrësh mirënjohje nga kolegët e tu, sepse këta janë njerëzit me të cilët keni punuar çdo ditë, për vite me radhë dhe e njihni shumë mirë njëri-tjetrin”, thotë Allbenadhe në lidhje me festën uron familjen profesionale:
“Shumë kurajë për të gjithë kolegët, sepse kemi kaluar shumë sprova dhe po i kalojmë përtej natyrës krijuese të punës. Dua t’i uroj që të mos humbasin shijen e tyre dhe gëzimin nga puna, pavarësisht netëve pa gjumë dhe sakrificave të shumta që secili prej nesh i është dashur të bëjë dhe duhet të bëjë në jetën personale apo në kohën tonë personale. Dhe mbi të gjitha - të jenë të shëndetshëm!”
Viti 2023 shënon 140 vjetorin e lindjes së Sirak Skitnik dhe 80 vjetorin e vdekjes së tij. Radioja Kombëtare Bullgare do t’i shënojë përvjetorët me një sërë iniciativash dhe aktivitetesh, e para prej të cilave është ceremonia e dorëzimit të Çmimit të Madh “Sirak Skitnik” sonte.
Shihni më shumë për historinë e Radio Bullgarisë KËTU
Përgatiti në shqip: Svetllana Dimitrova
Foto: BNR
Të nderuar miq, në programin tonë të sotëm ju ofrojmë tema të përzgjedhura nga koleksioni i Radio Bullgarisë. Së pari do t’ju tregojmë për Batakun, i cili është shumë më tepër se një qytet i bukur në malin e Rodopeve me një histori dramatike dhe..
Në këtë program më parë mund të dëgjoni lajmet e ditës. Në minutat për muzikë ju ofrojmë një version të ri të këngës "Dashuria është si" të interpretueses Milena Canova . Ju urojmë minuta të këndshme! 01.47 – Lajmet 12.47 –..
Përshëndetje, miq të dashur! Jemi të lumtur t’ju njoftojmë se pas shfaqjes së kartolinave të reja QSL të Radios Kombëtare Bullgare (BNR) , morëm një ortek letrash. Vetëm në korrik janë gati 400! Adhuruesit tanë nga Gjermania dhe India..
Sot në programin tonë të ditës ju ofrojmë tema të zgjedhura nga koleksioni i Radio Bullgarisë. Në rubrikën “Shoqëri” do t’ju flasim për gjuhën e..