Presidenti bullgar Rumen Radev dhe kreu i shtetit serb Aleksandër Vuçiç asistuan në ceremoninë, e cila shënon fillimin e ndërtimit të pjesës bullgare të lidhjes ndërsistematike të gazit Bullgari - Serbi, (Gas Interconnection Bulgaria - Serbia, IBS).  Interkonektori që lidh qytetet Novi Iskar dhe Nish do të ketë një gjatësi totale prej 170 km, nga të cilat 62 km do të jenë në territorin bullgar. Ai do të ketë një kapacitet deri në 1.8 miliardë metër kub karburant blu në vit me mundësinë e rrjedhjes së kundërt. Ndërtimi i trases në Serbi filloi një vit më parë dhe pritet të jetë gati në vjeshtë. Deri në fund të këtij viti pritet të përfundojë edhe pjesa bullgare. Gazsjellësi është një projekt me interes të përbashkët për Bashkimin Evropian, i financuar nga Mekanizmi i Lidhjes së Evropës.

“Bullgaria e dëshmoi veten si një vend tranzit i besueshëm dhe edhe në situatën më të vështirë, kur vendit tonë i mbaroi gazi rus, ajo vazhdoi të eksportojë karburant blu në Serbi pa asnjë problem”, tha presidenti Rumen Radev pas një bisede me homologu e tij serb.