Bullgaria po vendoset gjithnjë e më shumë si një destinacion i preferuar për turizmin balneo dhe spa gjatë gjithë vitit. Sipas të dhënave nga Sistemi i Unifikuar i Informacionit Turistik, mbi 13% e turistëve të regjistruar në Bullgari preferuan në vitin 2022 të pushonin në destinacionet tradicionale të spa si Velingrad, Hisarja, Sandanski, Razllog, Pavel Banja, Sapareva Banja, Gërmen, Devin, Kjustendill, Vërshec, Mineralni Bani, Strellça, Kostenec, Dollna Banja, Banite. Megjithatë, pesha reale e turizmit SPA është më e lartë, pasi SPA ofrohet edhe në resortet kryesore detare dhe malore dhe në brendësi të vendit. Përqindja e turistëve bullgarë kalon 90 për qind, ku turistët e huaj në komunat e lartëpërmendura në vitin 2022 ishin mbi 70 mijë. Më shpesh, mysafirë nga jashtë vijnë nga Maqedonia e Veriut, Izraeli, Rumania, Greqia, Gjermania, Britania e Madhe dhe Serbia.

• Mund t’i vizitoni burimet termale në Bullgari edhe gjatë dimrit
• Banjat Minerale të Karllovos – pushime të shëndetshme në Sredna Gora
  
• Fshati Banja – histori dhe SPA në rrëzat e tri maleve