53 për qind e bullgarëve deklarojnë se janë fetarë. Gati një e treta (29 për qind) nuk e perceptojnë veten si njerëz fetarë dhe 9 për qind janë ateistë. 10 për qind e tjerë nuk kanë përgjigje të pyetjes. Këtë e tregon një sondazh i qëndrimeve fetare bërë nga Asociacioni Botëror “Gallup International” (GIA) në 61 vende, duke mbuluar dy të tretat e popullsisë globale. Vitet e fundit, pjesa e atyre që identifikohen si fetarë ka mbetur e njëjtë, por ateizmi duket se po rritet. Për krahasim, në vitin 2014, prapë një e treta (52 për qind) e bullgarëve e përkufizuan veten si fetarë, 36 për qind thanë se nuk ishin besimtarë dhe 3 për qind ishin ateistë.

Sondazhi tregon se bullgarët që besojnë në ekzistencën e Zotit (58 për qind) janë më shumë se ata që e përkufizojnë veten si besimtarë në përgjithësi. Gati një e katërta besojnë se nuk ka Zot, dhe 15 për qind nuk ​​janë plotësisht të sigurt.

34 për qind e bullgarëve besojnë se ka jetë pas vdekjes, 39 për qind nuk ​​besojnë dhe 20 për qind nuk ​​janë të sigurt.