Bullgaria nuk mund t’i japë Ukrainës predha 155 mm. Kështu komentoi ministri i mbrojtjes Dimitër Stojanov. Sipas tij, ushtria nuk ka një kalibër të tillë të municionit dhe kjo është arsyeja që nuk mund të japë asistencë ushtarake në këtë aspekt. Stojanov shtoi se Bullgaria respekton marrëveshjet, si dhe mundësitë për ndihmë ushtarake për Ukrainën. “Pavarësisht ofrimit të municioneve dhe armëve për Ukrainën, konflikti nuk po pushon, por po thellohet. Ajo që po ndodh është eksportimi i armëve bërthamore në pozicione më të avancuara, gjë që në asnjë mënyrë nuk çon në zgjidhjen e konfliktit”, komentoi ministri.

Javën e kaluar, udhëheqësit e BE-së miratuan një plan për të dërguar një milion njësi municione artilerie në Ukrainë gjatë 12 muajve të ardhshëm për ta ndihmuar atë të luftojë pushtimin rus, kujton BTA.

• Bullgaria nuk do të jetë pjesë e prokurimit të përgjithshëm publik të predhave për Ukrainën