Komisioni Qendror i Zgjedhjeve - KQZ pyeti ministrin e punëve të brendshme, Ivan Demerxhiev, se si do të veprohet në ditën e zgjedhjeve, nëse pranohen kërcënime me bombë ndaj objekteve arsimore. Shumë prej qendrave të votimit janë hapur në ambientet e shkollave dhe universiteteve.

Pasi Demerxhiev tha se versioni kryesor i kërcënimeve me bombë të dy ditëve të fundit kundër shkollave dhe universiteteve ishin sulme hibride të lidhura me Rusinë, nga Ambasada Ruse e hodhën poshtë kategorikisht çdo akuzë të pabazë.

Ministria e Jashtme është e gatshme për organizimin e zgjedhjeve parlamentare jashtë vendit dhe nuk pret probleme serioze. Më 2 prill, bullgarët jashtë vendit mund të votojnë në 737 qendra votimi në 61 vende. Sipas rregullave të reja zgjedhore, shteti do të ketë një përfaqësues në çdo seksion dhe ministria ka dërguar mbi 530 punonjës, tha për BNR Ivan Kondov, kreu i grupit të punës “Zgjedhjet” në ministri.