Komandanti i Forcave Detare të SHBA-së në Evropë dhe Afrikë dhe i Komandës Aleate të NATO-s në Napoli, Adm. Stuart Munsch është në Sofje. Ai merr pjesë në edicionin e dytë të Forumit të Sigurisë së Detit të Zi. Kjo vjen mes planeve të SHBA-së për të zgjeruar ndikimin e saj në rajon dhe për të forcuar praninë e Aleancës pas fillimit të luftës në Ukrainë.

Anijet luftarake ruse, Krimea dhe korsitë e mbyllura detare e bëjnë rajonin "një zonë me rëndësi strategjike jetike për SHBA-në dhe NATO-n", tha Sekretari amerikan i Shtetit, Anthony Blinken. Deri në qershor, Uashingtoni planifikon të ketë një strategji të re për rajonin e Detit të Zi. Tre nga 6 vendet e Detit të Zi janë anëtarë të NATO-s dhe Ukraina është kandidate për anëtarësim.

Gjatë forumit do të mbajnë fjalime përfaqësues të Bullgarisë, Greqisë, Rumanisë, Turqisë, Ukrainës dhe të strukturave kryesore komanduese në NATO.