Blerja e mjeteve të reja luftarake “Strajkër” për Forcat Tokësore është një nga synimet e përcaktuara në Projektin për shpenzime investimi, miratuar nga Këshilli i Ministrave. Projekti “Blerja e pajisjeve bazë luftarake për ndërtimin e grupeve luftarake të batalionit nga përbërja e një brigade të mekanizuar” u bë fakt pasi Departamenti i Shtetit i SHBA-së miratoi shitjen e mundshme në vendin tonë të 183 automjeteve të familjes “Strajkër” për 1.5 miliardë dollarë. Qëllimi i projektit është që Bullgaria të arrijë ndërveprueshmëri me ushtritë e aleatëve tanë të NATO-së, të fitojë aftësitë mbrojtëse në mënyrë të pavarur, në një operacion të përbashkët dhe në sistemin e mbrojtjes kolektive, si dhe të marrë pjesë në operacionet aleate jashtë territorit tonë.