Nga data 20 deri më 28 janar, romakët dhe të ftuarit e Qytetit të Përjetshëm mund të vizitojnë ekspozitën "Bukuria e mozaikëve romakë (shek. I-VI). Zbulime në trojet bullgare” nga Katja Badinska-Lekova. Ekspozita ndodhet në galerinë "Bullgaria" në rrugën "Monte Brianzo" 60 në qendrën historike të kryeqytetit italian. Organizator i aktivitetit është Instituti Bullgar i Kulturës në Romë.
Katja Badinska-Lekova pikturon që nga vitet 70 të shekullit të 20-të dhe ekspozita e saj e parë ishte në vitin 1981 në Sofje. Ajo pikturon me bojëra vaji, kalon në pastel, ndërsa vitet e fundit autorja punon edhe me bojëra akrilike në xham. Ka piktura në koleksione private në Bullgari, Gjermani, SHBA.
Estetika e veshjes së lashtë prej guri, me figurat dhe miniaturat mbi të, ka emocionuar prej kohësh ndërgjegjen e Katja Lekovës. Është me profesion kimiste dhe pedagoge universiteti, por edhe njohëse e shkëlqyer e veprave klasike të artit. Ajo vetë e di se për sa punë dhe frymëzim ka nevojë autori duke krijuar një nga veprat e tij, ndaj nuk dëshiron të imagjinojë se një ditë kryeveprat e lashtësisë, si mozaikët, do të zhduken nga trojet tona. Ajo i kushtoi shumë kohë dhe fonde personale udhëtimeve dhe fotografimit të vendeve ku ka edhe fragmente të vogla të mozaikëve. Misioni i saj nuk mbaron me kaq. Pasi i filmon, ajo në mënyrë krijuese përpiqet t'i transferojë duke përdorur një teknikë të veçantë në xham, mësojmë nga materiali i Gergana Mançevës për Radio Bullgarinë. Më shumë për krijimet unike të autores origjinale bullgare do të mësoni nga botimi: Katja Lekova rikrijon mozaikë romakë mbi qelq nga koleksioni i Radio Bullgarisë.
Foto: BKI - Romë
Përgatiti në shqip dhe publikoi: Kostandina Bello
Fitues të mëdhenj në edicionin e 28-të të Festivalit të Kinemasë Dokumentare dhe të Animuar Bullgare "Ritoni i Artë" janë filmi i animuar “Një sup i bardhë për një burrë të zi" i regjisorit Henri Kulev dhe filmi dokumentar "Dëshira e Gerit" nga Tonisllav..
Në librin “Bullgaria është kënga ime” Ilija Llukov na shfaqet si një patriot i madh që ka bërë shumë për Bullgarinë”. Kështu e karakterizon këngëtarin popullor që këndoi meloditë më të dashura nga rajoni i Maqedonisë, Galin Georgiev, etnograf dhe një..
Plovdivi pret festivalin vjetor për filma bullgarë dokumentarë dhe të vizatuar "Ritoni i Artë", i cili do të zgjasë deri më 19 dhjetor. Përzgjedhja këtë vit është premtuese: mbi 50 filma konkurrojnë në programin e konkursit, ndërsa në edicionin jashtë..
Në mënyrë festive dhe me respekt ndaj përvjetorit të 143 të lindjes së Vlladimir Dimitrov - Mjeshtrit, Galeria e Arteve e Qytetit Kjustendill jep Çmimin..
Vranësira
Vranësira