Lideri i opozitës ruse Aleksej Navallni vdiq, njoftoi drejtoria e burgut në Qarkun Autonom Jamallo-Nenec, ku ai vuante dënimin në koloninë korrektuese nr.3. Sipas Shërbimit Federal rus, Navallni u ndje i kpas një shëtitje dhe pothuajse menjëherë humbi vetëdijen. Një ekip i ndihmës mjekësore emergjente ka konfirmuar vdekjen e të dënuarit, pas tentativave të pasuksesshme për reanimim. Po përcaktohen shkaqet e vdekjes.
Në faqen e tij në Facebook, kreu i GERB-it, Bojko Borisov komentoi: “Navalni vdiq?! Jo – Navalni u vra! E vrau regjimi!”. Sipas Borisov, "kjo është një vrasje kundër demokracisë", prandaj, sipas fjalëve të tij, nevojitet "presion i fortë mbi Kremlinin dhe më shumë ndihmë për Ukrainën".
Nuk vonoi gjithashtu reagimi i partisë "Po e vazhdojmë ndryshimin", e cila dënoi ngjarjet rreth vdekjes së Navallni. Në një deklaratë të dërguar nga zyra e shtypit e partisë, theksohet se bëhet fjalë për “orvatje për të vrarë sistematikisht dhe me qëllim vullnetin e lirë, demokracinë dhe guximin për të qenë opozitar dhe luftëtar për drejtësinë”. Në njoftim thuhet gjithashtu se grupi Parlamentar i PP-DB "do të paraqesë një projekt-ligj për vendosjen gjithëpërfshirëse të të gjitha sanksioneve dhe masave kundër regjimit të Putinit dhe interesave të tij ekonomike në tokën bullgare". Nga ana e tij, bashkëkryetari i "Po e vazhdojmë ndryshimin" Kirill Petkov shkroi në Facebook: "Sot Navallni mundi Putinin". Ai u bë një simbol i lirisë në Rusi. Më pas erdhi reagimi i bashkëkryetarit të Bullgarisë Demokratike Atanas Atanasov, i cili theksoi: “Pa dyshim, kjo është një vrasje politike që duhet hakmarrë”.
Në lidhje me vdekjen e Navallni, zëvendëskryeministrja dhe ministre e punëve të jashtme Maria Gabriel shprehu ngushëllimet e saj familjes dhe të afërmve të tij. “Jam shumë e mërzitur të mësoj për vdekjen e Aleksej Navallni”, shkroi Gabriel në rrjetin social “X”.
Vdekjen e opozitarit rus e komentoi edhe presidenti Rumen Radev.
Bota humbi një nga luftëtarët më të shquar për të drejtat e njeriut dhe demokracinë”, shkroi Radev në rrjetin social “X”. Prandaj, është jashtëzakonisht e rëndësishme që të gjitha rrethanat e vdekjes së Aleksej Navallni në burg të sqarohen dhe të bëhen të njohura për komunitetin ndërkombëtar”.
Më 15 tetor, Shqipëria fillon negociatat thelbësore për anëtarësimin në BE Përfaqësuesit e përhershëm të BE-së në Bruksel vendosën njëzëri nisjen e negociatave të anëtarësimit me Shqipërinë. Fillimi do të jetë më 15 tetor me një konferencë..
Që nga sot, 27 shtator, Bullgaria është sërish në një fushatë zgjedhore 30 ditore. 28 parti dhe 11 koalicione paraqitën dokumentet në Komisionin Qendror të Zgjedhjeve për pjesëmarrje në zgjedhjet e ardhshme të parakohshme parlamentare dhe në..
Bullgaria dhe Maqedonia e Veriut kanë nënshkruar një Marrëveshje të Fqinjësisë së Mirë, e cila është pjesë e planit të zgjerimit të BE-së dhe askush nuk mund të tërhiqet prej saj, tha kreu i GERB-it, Bojko Borisov, i cili është edhe kryetar i..