Edhe këtë vit, Kori i Fëmijëve i Radios Kombëtare Bullgare (BNR) mirëpret pranverën me koncertin e tij tradicional kushtuar kësaj stine. Më 24 mars, të dielën, në sallën "Bëllgaria" koristët do të interpretojnë vepra të kompozitorëve bullgarë, si dhe vepra klasike dhe bashkëkohore. Programi i larmishëm përfshin si këngë fetare afrikano-amerikane ashtu edhe këngë tradicionale hebraike. Posaçërisht me kërkesë të publikut do të interpretohet "Rapsodia Boheme" i grupit Queen, me muzikë të Fredi Merkjuri, me aranzhim të Veselin Karaatanasov.
Bashkë me këngëtarët e rinj të Korit të Fëmijëve pranë Radios me dirigjente Venecia Karamanova, në skenë do të jenë edhe interpretues të ftuar nga gjenerata të ndryshme: këngëtarët yje nga Kuarteti EVA, koristët dhe solistët e njohur prej kohësh të Korit të Radios për Fëmijë Demetra-Anxhalika (marimba) dhe Antonia Mirçeva (flaut), si dhe nxënësit e talentuar nga Shkolla Muzikore Kombëtare "Ljubomir Pipkov" Marina Mravova (piano) dhe Cvetomir Radev (klarinetë).
Mbetemi në një humor festiv pranveror me një nga këngët në repertorin e Korit të Fëmijëve të BNR-së - "Kalo, e dashura" të kompozitorit dhe dirigjent të Orkestrës së Muzikës Popullore të BNR-së Dimitër Hristov. Dirigjentе është Venecia Karamanova, solist - Kuarteti EVA.
Redaktore: Diljana Traçeva
Përgatiti në shqip dhe publikoi: Svetllana Dimitrova
Lili Ivanova është prima e padiskutueshme e muzikës bullgare. Përveç talentit, disiplinës dhe përkushtimit, pas dekadave në krye qëndron edhe zgjedhja e saj e muzikantëve më të mirë me të cilët këngëtarja ka punuar ndër vite. Para pak..
Projekti "Dashuri dhe këngë" takon në skenë breza artistësh të dashur bullgarë, të cilët ndër vite krijuan hite në stile të ndryshme muzikore. Grupi “Diana Ekspres” , i cili feston 50 vjetorin në skenë, vëllezërit Argirovi , legjenda e..
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..
Atazar (shqiptohet АтазАр), Kris V (shqiptohet Kris Vi) dhe këngëtarja Aleksandra Ivanova prezantuan këngën e tyre të përbashkët "Mbetu" me një video..