Më 17 prill, 80 vjet më parë, ndodhi bombardimi i fundit dhe më brutal i Sofjes gjatë Luftës së Dytë Botërore. Në vitin 1944, më 17 prill në mesditë, 350 bombardues amerikanë, të shoqëruar nga gjuajtësit “Thunderbolt” dhe “Mustang”, hodhën 2500 bomba në Sofje. U shkatërruan 749 ndërtesa, shumë herë më shumë u dëmtuan. 128 persona humbën jetën dhe 21 u plagosën.Në historinë bullgare, data mbetet si "Pashkët e Zeza" dhe si dita më e errët për aviacionin bullgar, i cili humbi 6 pilotë, të cilët mbrojtën qiejt mbi Sofje.

Nga nëntori 1943 deri në prill 1944, Bullgaria humbi 27 avionë nga 80 makineritë e saj dhe 22 aviatorë. Mbi 2500 aeroplanë gjuajtës dhe bombardues të rëndë u dërguan kundër Bullgarisë. Mbrojtja bullgare rrëzoi mbi 100 avionë. Humbjet e armikut ishin 159 anëtarë të ekuipazheve të vrarë dhe 329 të kapur.