Përfaqësuesit e popullit nderuan në Parlament kujtimin e viktimave të shfarosjes masive të armenëve në Perandorinë Osmane me një minutë heshtje dhe në këmbë.24 prilli është Dita Ndërkombëtare e Përkujtimit të Ngjarjeve të viteve 1915-1916.

Të dhënat historike tregojnë se në vitet e Luftës së Parë Botërore, armenët perëndimorë dhe i gjithë populli armen përjetuan një tragjedi të tmerrshme.Qeveria xhonturke, duke ndjekur politikën e saj nacionaliste, organizoi shfarosjen masive të armenëve në një shkallë të paparë dhe me mizori të padëgjuar. Ndërmjet viteve 1895 dhe 1921, u vranë mbi një milion e gjysmë burra, gra dhe fëmijë armenë dhe më shumë se 1 milion të tjerë u zhvendosën. Më 24 prill 2015, në vigjilje të përvjetorit të 100-të të gjenocidit ndaj armenëve, Kuvendi Popullor i Bullgarisë miratoi një deklaratë që njeh “shfarosjen masive” të popullit armen. Kështu, vendi ynë u bë një nga ato mbi 35 vendeve në botë që njohën zyrtarisht krimin e kryer.

Lexoni më shumë:

• Masakra e armenëve – një shekull pas ngjarjes së tmerrshme

• Ekspozita "Kujtesa" tregon relikte të refugjatëve armenë në Bullgari

• Komuniteti armen në Sofje mirëpret Lindjen e Krishtit në një kishë të re

• Etnoset në Bullgari: armenët

• Të përditshmet dhe festat armene përmes shikimit të fotografit Julian Angelov