Një seri shpërthimesh dhe helmimesh në Evropë - përfshirë në Bullgari të tregtarit të armëve Emilijan Gebrev - të organizuara nga njësia 29155 e Drejtorisë kryesore të Inteligjencës së ushtrisë ruse, janë koordinuar nga Nikollaj dhe Elena Shaposhnikov, konstatoi një hetim i grupit “The Insider” me pjesëmarrjen e Hristo Grozevit dhe me partneritetin e botimit grek Inside Story. Familja e spiunëve rusë me nënshtetësi çeke ka banuar për 10 vjet në vilën “Elena” në Halkidiki. Vetë Gebrev i tha ”Insiderit” se Shaposhnikovët e kanë takuar atë në vitin 2012 dhe kanë kërkuar në mënyrë aktive komunikim, megjithëse nuk kanë pasur asnjë biznes të përbashkët. Elena Shaposhnikova ka lindur në kohën sovjetike në Kiev. Për punën e saj, Presidenti Vladimir Putin i ka dhënë asaj titullin "Hero i Rusisë". Familja Shaposhnikov ka blerë biletat e avionit dhe i ka strehuar atentatorët rusë në Çeki dhe Bullgari. Të dy janë marrë në pyetje nga hetuesit bullgarë dhe grekë, shkruan “The Insider”.

• Ka urdhra evropianë për rusët e akuzuar për terrorizëm

• Gebrev është i sigurt se është sërish objekt i një sulmi rus

• Bullgaria dhe Republika Çeke janë duke shkëmbyer intensivisht informacione në lidhje me shpërthimet në Varbetice

• Sergei Lavrov dhe Gebrev për zbulimet e prokurorisë mbi shpërthimet

• Eksplozioni në Çeki duhej të shpërthente në Bullgari