Në Bullgarinë Perëndimore, rreth njëqind kilometra në jugperëndim të Sofjes, qyteti Zemen, i vendosur në brigjet e lumit Struma dhe rrethinat e tij nuk janë ndër destinacionet turistike më të njohura në vendin tonë, por interesi për këtë rajon është rritur me meritë në vitet e fundit. Njohësit e antikiteteve më shpesh vijnë këtu për shkak të Manastirit të Zemenit "Shën Joan Teologu", dhe adhuruesit e natyrës tërhiqen nga ujëvara piktoreske Pollska Skakavica.
Kisha e vogël në Manastirin e Zemenit "Shën JoanTeologu" është ndërtuar në shekullin e 11-të dhe është një nga monumentet më të vjetra të arkitekturës mesjetare bullgare. Ajo u pikturua dy herë - në shekujt XI dhe XIV. Nga piktura e parë në muret e saj, është ruajtur fytyra e Shën Anës. Një pjesë e madhe e pikturave murale të mëvonshme është ruajtur mirë. Në vitin 1966, Kisha e Zemenit u shpall monument i arkitekturës dhe pikturës bullgare dhe në vitin 2004 u bë degë e Muzeut Historik Kombëtar.
Kurioziteti tjetër në zonë që mbledh turistë të etur për natyrë gjatë fundjavave, siç u përmend, është ujëvara Pollska Skakavica, e cila spërkat ujërat e saj të freskëta nga një lartësi prej 52 metrash.
Mbi të ndodhet kisha e vogël "Shën Dhimitri", e ndërtuar në fund të shekullit të 19-të mbi themelet e një kishe më të vjetër.
Por nuk do të jetë më pak e këndshme për ju të largoheni nga shtigjet e shkelura mirë dhe të shijoni bukuritë bujare të Grykës së Zemenit të lumit Struma.
Gjelbërimi i harlisur që mbulon konturet e buta të kodrave përreth është i këndshëm për sytë dhe një kënaqësi për shpirtin. Dhe ajri është i ngopur me aromën e bimëve që rriten lirshëm.
Gjatë rrugës rrallë do të takoni njerëz ose kafshë, aty-këtu do të shihni shtëpi të vjetra të zhytura në vetminë e tyre.
Pamjet e mrekullueshme përreth do t'ju lënë pa frymë.
Shkëmbinjtë e çuditshëm do t’ju duken si një gjigant i ardhur nga përrallat, ose si një kështjellë, ku një princeshe e ka zënë gjumi në një ëndërr njëqindvjeçare dhe pret që princi i saj ta puthë dhe ta çlirojë nga magjia.
Foto: Miglena Ivanova
Përgatiti në shqip dhe publikoi: Vesella Mançeva
Tradita kineze mori jetë në kuadër të Festivalit të parë dyditor të Varkave të Dragoit në vendin tonë, i cili është pjesë e aktiviteteve të shumta në programin "Vera me kulturën kineze në Bullgari" (qershor-gusht). Gara..
Kryeqyteti i lashtë Veliko Tërnovo është një nga qytetet më të bukura dhe më të preferuara bullgare për turizmin kulturor. Çdo vit ai vizitohet nga një numër rekord turistësh nga vendi dhe nga e gjithë bota. Ju ofrojmë një..
Në pranverë, parku natyror "Zllatni Pjasëci" bëhet një vend tërheqës për banorët e Varnës dhe mysafirët e qytetit. Ndodhet 17 km në verilindje të qytetit të Varnës, paralelisht me bregun e detit dhe rrethon kompleksin turistik..
Pjesërisht me re
Vranësira të dendura
Vranësira