Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Leje qëndrimi dhe pune për të huajt në Bullgari përveç Kartës Blu

Foto: pixabay

Në përgjigje të pyetjes së dëgjuesve në një seri botimesh, Radio Bullgaria prezanton para audiencës së saj shumëgjuhëshe dokumentet që u japin të drejtën e lejes së qëndrimit dhe të punës në Bullgari shtetasve të huaj të vendeve të treta. Në materialin e mëparshëm të këtij lloji, ju folëm për Kartën Blu, e cila u jep akses në tregun bullgar punëtorëve të kualifikuar. Megjithatë, jo të gjithë ata që dëshirojnë të aplikojnë për një vend pune në vendin tonë i plotësojnë kërkesat e larta për këtë lloj leje. Legjislacioni bullgar ofron mundësi edhe për ata kandidatë që nuk i plotësojnë kushtet për të ushtruar punësim me kualifikim të lartë. I tillë është dokumenti i ngjashëm më i përdorur që lejon të huajt nga vendet e treta të qëndrojnë dhe të punojnë në territorin e Bullgarisë, përkatësisht Leja e Unifikuar e Qëndrimit dhe e Punës, por ka edhe mënyra të tjera që aplikohen shpesh, kushtet e të cilave mund t'i lexoni më poshtë:

Leja e unifikuar e qëndrimit dhe e punës

- Nuk kërkohet një shkallë e lartë kualifikimi dhe arsimimi për të marrë këtë dokument. Punonjësi thjesht duhet të vërtetojë me dokument aftësitë e tij për të kryer punën për të cilën do të punësohet – arsim, specializim, aftësi për punë, përvojë apo kualifikim profesional.

- Leja lëshohet për një periudhë 3 vjeçare, dhe nëse afati i kontratës së punës është më i shkurtër - për kohëzgjatjen e kontratës.

- Nuk kërkohet që i huaji me të drejtën e lejes së qëndrimit në vend, gjatë aplikimit për herë të parë ose edhe aplikimet e mëvonshme të jetë jashtë territorit të Bullgarisë.

- Nëse i huaji ka leje qëndrimi afatgjatë, duhet të bëjë kërkesën deri në 2 muaj përpara skadimit të afatit të qëndrimit. 

- Procedura për dhënien e kësaj lloj leje nuk është më e gjatë se dy muaj, por në rast kompleksiteti ligjor, afati mund të zgjatet me dy muaj.

- Lëshohet nga Ministria e Punëve të Brendshme.

Leja për punëtorët sezonal

Lëshohet për hyrjen dhe qëndrimin e të huajve nga vendet e treta për punë sezonale për kohëzgjatjen e kontratës së punës, por jo më pak se 90 ditë dhe jo më shumë se 9 muaj për një periudhë prej 12-muajsh.

- Për aplikimin e kësaj leje, i huaji duhet të banojë jashtë Bullgarisë.

- Duhet të dorëzohen dokumentet që vërtetojnë arsimimin, specializimin, aftësi për punë, kualifikimin profesional dhe përvojën e të huajit.

- Procedura për dhënien e kësaj leje zgjat maksimumi 2 muaj. 

- Leja jepet me procedurë të përshpejtuar për të huajt që kanë punuar të paktën një herë në territorin e Bullgarisë si punëtorë sezonalë në 5 vitet e fundit.

- Lëshohet nga Ministria e Punëve të Brendshme.

    Leje për kryerje veprimtarie dhe praktikë të lirë

- "Veprimtari e pavarur" nënkupton veprimtarinë e biznesit të kryer personalisht, pa angazhim ndaj një punëdhënësi.

- Ndryshe nga lejet e renditura më sipër, të cilat lëshohen nga Ministria e Punëve të Brendshme, kjo lloj leje jepet nga drejtori ekzekutiv i Agjencisë së Punësimit me kërkesë të një shtetasi të një vendi të tretë, në bazë të të cilit Ministria e Punëve të Brendshme lëshon një leje qëndrimi afatgjatë.

- Procedura për dhënien e lejes duhet të kryhet përpara fillimit të veprimtarisë në territorin e Bullgarisë.

- Dokumentet dorëzohen personalisht nga shtetasi i vendit të tretë ose personi i autorizuar prej tij në Zyrën Qendrore të Agjencisë së Punësimit (Sofje, Blvd. Dondukov nr. 3).

- Ndër dokumentet e kërkuara janë: përshkrimi i llojit, karakterit dhe qëllimeve të veprimtarisë së pavarur; një plan të detajuar aktiviteti për periudhën për të cilën kërkohet leja; një dokument mbi disponueshmërinë e mjeteve financiare për kryerjen e veprimtarisë; dokument i zotërimit të gjuhës bullgare në nivelin minimal B1.

Të nderuar dëgjues dhe lexues të Radio Bullgarisë, nëse keni pyetje të tjera që kanë të bëjnë me lejen e qëndrimit të të huajve në Bullgari, apo në lidhje me tema të tjera, na pyesni dhe ne do të kërkojmë përgjigje për to!

Lexoni më tepër:

Foto: Pexels, Pixabay
Përgatiti në shqip dhe publikoi: Kostandina Bello


Последвайте ни и в Google News Showcase, за да научите най-важното от деня!

Më shumë nga rubrika

Foto: Kopshti Zoologjik i Stara Zagorës

Kopshti zoologjik në Stara Zagora ka banorë të rinj

Kopshti Zoologjik në Stara Zagora ka banorë të rinj – derre femërore të llojit Pecari tajacu dhe një majmun mashkull të llojit Cebus të quajtur Llëço. Kafshët mbërritën nga Kopshti zoologjik i Sofjes në bazë të një marrëveshjeje për mbarështim. Praktika..

botuar më 24-12-15 7.25.PD

Muzeu i Shkencave Natyrore i Plovdivit po pret një "Festival të Akullit"

Në Muzeun Rajonal të Shkencave Natyrore të Plovdivit po mbahet “Festivali i Akullit” treditor, i cili do të zgjasë deri më 15 dhjetor. Festivali i kushtohet Ditës Botërore të Antarktidës (1 dhjetor) dhe është pjesë e një sërë iniciativash të organizuara..

botuar më 24-12-14 7.35.PD
Foto: Facebook/ Universiteti i Ruses

Universiteti i Ruses mirëpret studentët e huaj me një program të pasur kulturor

Universiteti i Ruses organizon një sërë aktivitetesh drejtuar studentëve të huaj që studiojnë në të. Qëllimi i nismës është që të rinjtë të njihen me traditat, kulturën, historinë dhe zakonet bullgare, si dhe t'i bashkohen procesit arsimor dhe jetës..

botuar më 24-12-13 6.15.PD