Radioja Kombëtare Bullgare © 2021 Të gjitha të drejtat janë të rezervuara

Sofja midis suksesit dhe mossuksesit në përpjekjet për rregullimin e presionit të migrantëve ndaj BE-së

Foto: BTA

Këto ditët e fundit qeveria bullgare dhe personalisht Kryeministri Bojko Borisov ishin shumë aktivë në përpjekjet për zgjidhjen e problemit të ri të refugjatëve mes Bashkimit Evropian (BE) dhe Turqisë. Aktiviteti i fundit në këtë drejtim ishte fluturimi me helikopter mbi kufirin me Turqinë që u realizua nga Kryeministri Borisov bashkë me Presidenten e Komisionit Evropian Ursula von der Leyen dhe me Kryetarin e Këshillit Evropian Charles Michel në ditën e festës kombëtare të Bullgarisë – 3 mars. Pas takimit mes të treve i cili u zhvillua pas kësaj në Sofje Bojko Borisov deklaroi se përpjekjet për fqinjësi të mirë dhe zgjidhje paqësore të konflikteve në regjion po vazhdojnë, ndërsa nga kjo nënkuptohet se ka përparim, por ai ende është i pjesshëm.

Tani për tani situata është kontradiktore. Pas dy takimesh të Kryeministrit bullgar me Presidentin turk Recep Erdoğan që nga dita e premte e këtej, mund të themi se presion refugjatësh nga Turqia drejt Bullgarisë de facto nuk ka, por ka një presion të tillë nga Turqia drejt Greqisë dhe ky presion është dramatik. Edhe pas takimit të dytë të Borisovit me Presidentin turk ideja e Kryeministrit bullgar për zhvillimin e një takimi mes BE-së dhe Turqisë nuk u pranua.

Por pavarësisht nga kjo Ursula von der Leyen deklaroi se përvoja e madhe e Bullgarisë në regjion është me rëndësi strategjike. Kjo na jep arsye për të menduar se BE-ja do të vazhdojë të shpresojë tek kjo përvojë, madje vetëm për shkak të faktit se me ndihmën e saj Sofja bashkëpunon për mirëmbajtjen e dialogut dhe për rritjen e numrit të pjesëmarrësve në të. Si ripohim i këtyre fjalëve do të rikujtojmë se gjatë javës së fundit Borisov shqyrtoi temën jo vetëm me liderët e BE-së dhe me Presidentin e Turqisë, por edhe me kancelaren gjermane Angela Merkel, me Kryeministrin e Kroacisë Andrej Plenković dhe me Kryeministrin e Greqisë Kiriakos Mitsotakis.

Gjatë takimeve Kryeministri Borisov vuri në dukje se vepron si palë e interesuar dhe jo si ndërmjetës. Ai e bëri këtë që të tregojë se është i qartë me mundësitë e kufizuara të Bullgarisë për të ndikuar mbi një problem kaq të madh siç është ai i refugjatëve mes Turqisë dhe BE-së, problem ky i cili përsëri është aktual për shkak të konfliktit në Siridhe ndaj të cilit shfaqin interes edhe NATO-ja, edhe Rusia. Në momentin e tanishëm një ndikim më të konsiderueshëm mbi situatë mund të presim nga takimi i pritur midis presidentëve të Turqisë dhe të Rusisë - Recep Erdoğan dhe Vladimir Putin.

Pas takimit të tij të dytë me Recep Erdoğanin Bojko Borisov përshëndeti dëshirën e Turqisë për të kërkuar zgjidhje bashkë me Rusinë përmes takimit direkt mes presidentëve të të dyja vendeve. Duke e përshëndetur Ankaranë se e respekton marrëveshjen e saj me BE-në sa i përket kufirit bullgar, Borisovi vuri në dukje se megjithatë “puna është e kryer përgjysmë”. Sipas disa vëzhguesve ai e ka thënë këtë duke pasur parasysh përvojën e vet për të organizuar një takim me Recep Erdoğanin dhe Kryeministrin grek Kiriakos Mitsotakis në Sofje, takim ky nga i cili vetë ai ka hequr dorë më vonë. Gjithsesi, mbetet pyetja a ka mundësi që në një etapë më të vonshme ai ta bëjë përsëri këtë ftesë?

Përgatiti në shqip: Vesella Mançeva

Foto: BTA dhe BGNES

Më shumë nga rubrika

A është e pashmangshme që Bullgaria të drejtohet nga një koalicion?

Bullgaria ndodhet para zgjedhjeve më të rëndësishme që nga fillimi i tranzicionit drejt demokracisë, pohojnë analizatorët në vend. Deri në fillimin e fushatës paraelektorale mbeten ditë të numëruara. Sa njerëz do të shkojnë deri tek kutitë e votimit - kjo..

botuar më 21-02-25 11.59.PD

Për bullgarët Rusia, Kina dhe SHBA-ja do të jenë superfuqitë në të ardhmen e afërt

Duke i përgjigjur pyetjes se cilat do të jenë super fuqitë gjatë 2030 58% e bullgarëve e vendosin Rusinë në   vend të parë, 50% e vendosin Kinën dhe 46% - Shtetet e Bashkuara të Amerikës. Kjo tregon një studim global i Asociacionit Ndërkombëtar..

botuar më 21-02-23 12.02.MD
Albin Kurti

Kosova e përcakton Bullgarinë si një aleate

Bullgaria dhe Kosova ndajnë qëllime dhe interesa të përbashkëta, tha para BTA Albin Kurti, udhëheqësi i lëvizjes “Vetëvendosje”, e cila arriti fitore bindëse në zgjedhjet e parakohshme të vendit. Kurti e përshkroi Bullgarinë si një aleate e..

botuar më 21-02-22 3.46.MD